渝痴漁醉

营业中

休息中

不嬲都好鐘意食魚，成日見人食原條烤魚想試好耐。見到渝痴漁醉有唔少好評，所以就黎試下。未食過清江魚，所以就點左金牌蒜香味清江魚。廚師將清江魚開邊，上面鋪滿炸蒜蓉、芫茜同蔥。湯底好濃郁好香蒜味，湯入面有芽菜同好多蒜頭。清江魚魚肉嫩滑，唔係太多骨，幾好食。食到咁上下，點左寬粉同貢丸加湯打邊爐。寬粉煮熟會變透明，口感煙韌，好食！食完之後有糖水送。透明個啲類似涼粉咁，糖水有好香既桂花味，加埋西瓜，好清涼。整體黎講，食物味道、環境、服務都唔錯。下次會想試下辣烤魚同小菜。