南小館 (已結業)

今日心血來潮想食上海菜，老婆帶我同仔仔嚟南小館，穩打穩扎冇特別驚喜。蔥油開陽拌麵$42，蔥同大蝦乾都炸到黑蚊蚊，唔香又唔脆🙁。拌麵雖然唔油膩，但就過鹹。鮮肉小籠包$45，外皮厚薄適中、肉餡較細、湯汁只有1/4湯匙😩。南小館四小併$80：四喜烤麩、木耳秋葵、糖醋排骨、口水川雞，全部都味道平平，毫無驚喜難忘。蒜蓉菜心$42，蒜香味濃郁，甜美爽脆，可惜有部菜太大棵，可以切開一半就更好，呢道係我全晚最滿意嘅菜式。炸銀絲卷$26，外脆內軟，食包最緊要係夠熱夠軟。呢間上海菜館食物水準一半，但價錢的確係實惠，份量亦都唔算少，偶爾可以嚟食下。