影片
今日lunch time 三人行去左南小馆食.之前已帮衬过几次，每次都唔使等位，而侍应们无乜反应感觉无乜礼貌就一向架喇。叫左三样野食，首先黎既系188蚊的酸菜鱼，好大碟下！够酸够辣惹味有惊喜！比起西湾河个间以酸菜鱼做招牌的鱼x爷爷更好食仲要平dd。下面有d紫色既粉，整个够晒开胃然后黎既系呢碟牛肉炒米粉，米粉非常碎湿湿，唔知系咪特色黎？ 可能食左浓味酸菜鱼关系，整个米粉无乜味，无乜特别。最后黎的是五色小笼包，无记错系80定90元。奉劝大家食番最平既鲜肉小笼包就够，因为根本除左肉眼上颜色有分别外，食落去分别不大。好似带子小龙包就真系多左粒带子，但其实唔会好食左。。。最期待的黑松露同蟹粉小龙包直情食唔出有乜分别。。。。总括已言比较失望。
继续阅读
星期日晚上，一行三人去食晚饭，叫咗六个菜，卖相差之余，大部分食物既味道都非常差。首先，最过份既系松子鱼(＄188) ，份量偏少，而且非常腥😨，可以话系难以入口，最后都食剩咗。担担面(＄48) 既汤底完全冇味，只系得少少辣味，面质太冧，第一次食咁差既担担面😨。云吞鸡(＄108) d鸡肉好鞋，汤底亦只系味噌水。。。葱油拌面(＄45)既面质亦系太冧，而且非常油！其他菜式都系非常失望，绝对冇下次，总共5百几蚊，性价比低，绝对有更好既选择！
继续阅读
今日心血来潮想食上海菜，老婆带我同仔仔嚟南小馆，稳打稳扎冇特别惊喜。葱油开阳拌面$42，葱同大虾干都炸到黑蚊蚊，唔香又唔脆🙁。拌面虽然唔油腻，但就过咸。鲜肉小笼包$45，外皮厚薄适中、肉馅较细、汤汁只有1/4汤匙😩。南小馆四小并$80：四喜烤麸、木耳秋葵、糖醋排骨、口水川鸡，全部都味道平平，毫无惊喜难忘。蒜蓉菜心$42，蒜香味浓郁，甜美爽脆，可惜有部菜太大棵，可以切开一半就更好，呢道系我全晚最满意嘅菜式。炸银丝卷$26，外脆内软，食包最紧要系够热够软。呢间上海菜馆食物水准一半，但价钱的确系实惠，份量亦都唔算少，偶尔可以嚟食下。
继续阅读
门口都等咗大概5分钟等咗5分钟啦可以入座餐厅嘅大小大概可以坐都50个人而且睇落去都几阔落坐低之后就会有一部金色嘅茶壶装嘅茶，同二碟小食。我哋叫咗三样嘢，一个南小馆四小拼有：口水川鸡- 口水川鸡系新派嘅口水鸡，唔似以前果种有辣油喺面头凉拌猪耳- 做得唔错猪耳爽但唔会un金瓜丝海蜇 - 金瓜丝同海蜇两样捞埋一齐口感唔错糖醋排骨 - 糖醋骨做得几好，唔会太甜同埋够冧鲜肉小笼包五件 - 小笼包就做得到就失色皮太厚，相比起上海姥姥甚至鼎泰丰就失色一截。老上海酸辣汤面一碗 - 汤面个汤中规中矩，酸而不速，无乜特别，唔点亦无损失埋单$236全程无甚惊喜，职员服务态度一般，食品只到合格水准
继续阅读
我第一次写食评，因为太愤怒。呢间嘢帮衬过不下数次，初时觉得都唔错，后来越来越普通，今次系疫情后第一次去，可能生意难做，食物质素下降，点完菜几乎立即上菜，令人怀疑系整定嘅，生煎包嘅底又黑又硬，咬都咬唔落，虾多士唔似系新鲜整嘅，似系叮返热畀你食，连个鸡丝粉皮都又干又硬，唔知摆咗几耐。茶水9元一位，但一啲味道都冇，完全冇茶味，成世人最愤怒嘅一次，平时我食剩嘅嘢唔系咁好食都会打包，今次例外，攞返去都系垃圾。
继续阅读