孖寶車仔麵

营业中

休息中

葵廣仲絕對係美食集中地! 今次就試下位於地舖的孖寶車仔麵，主打港式小食、車仔麵。平日晚上7點坐滿食客，餐廳環境充滿香港特色。餐牌亦設計到好似以前古代秘笈一樣，挺有創意。餐廳另一邊擺滿滷水食品，勁吸引。滷水雞髀$18 大大隻，肉嫩多汁。附手套唔洗驚整污糟隻手。生菜魚肉翅 $24魚肉足料超級多，有魚同香蔥味而且食落唔粉。韮菜大腸豬紅湯 $24（韮菜、豬紅、豬腸、羅白）湯頭清甜帶強烈胡椒辛香感。加埋唔辣嘅菜甫口感倍增。車仔自選餐（3 餸 ）$45除左多款麵選擇外，仲可以轉腸粉添！車仔麵就食得多，車仔腸粉又幾新穎bo! 牛肚煮得好稔，加左秘製汁超正。秘製醬汁像沙嗲汁加咖哩汁非常惹味。