影片
更多
2017-06-15
7709 浏览
豬手一直中意食, 不論係韓式, 鹵水, 德國豬手都好喜歡, 早排同2個豬手控的朋友一齊去觀塘一間叫February 的餐廳食豬手。地方係觀塘, 由港鐵站行過去大約要10分鐘, 地點都算方便, 建議由apm穿過去巧明街會快一點。到達餐廳, 裝修用上深色主色, 但有大量飾物配襯。最重要係睇下餐牌, 有2人及4人套餐, 我地3個人唯有叫4個人餐。餐廳做緊優惠, 4人餐特價$552, 真好平呀 ! 我地揀左以下 :精選沙律唔係一人一碟, 而係4人份量一大碟, 沙律菜新鮮, 配上黑醋, 味道清新。白松露忌廉野菌湯湯味濃, 易入口, 唔會太杰身, 食到有野菌粒。主菜二選一德國火焰咸豬手之前上網見到豬手係你面前點火, 好吸引, 果然職員奉上一隻燒得卜卜脆的豬手, 再係大家面前點火, 我地的相機當然不會放過, 不停影相, 影相後, 職員會替我地將豬手切件。豬手果然好味, 唔會太咸, 而且好嫩滑, 豬手皮卜卜脆, 令你停不了口。大家都大讚好正美式慢燒豬肋骨豬肋骨上枱時已經切開, 肉質好淋且入味, 但我覺得醬汁過濃, 豬肋骨配上薯角, 而且份量都不少呢牛肝菌汁意大利飯伴蒜香帶子食左豬手及豬肋骨都飽左6成,
地方係觀塘, 由港鐵站行過去大約要10分鐘, 地點都算方便, 建議由apm穿過去巧明街會快一點。
到達餐廳, 裝修用上深色主色, 但有大量飾物配襯。最重要係睇下餐牌, 有2人及4人套餐, 我地3個人唯有叫4個人餐。餐廳做緊優惠, 4人餐特價$552, 真好平呀 ! 我地揀左以下 :
精選沙律
唔係一人一碟, 而係4人份量一大碟, 沙律菜新鮮, 配上黑醋, 味道清新。
白松露忌廉野菌湯
湯味濃, 易入口, 唔會太杰身, 食到有野菌粒。
主菜二選一
德國火焰咸豬手
之前上網見到豬手係你面前點火, 好吸引, 果然職員奉上一隻燒得卜卜脆的豬手, 再係大家面前點火, 我地的相機當然不會放過, 不停影相, 影相後, 職員會替我地將豬手切件。
豬手果然好味, 唔會太咸, 而且好嫩滑, 豬手皮卜卜脆, 令你停不了口。大家都大讚好正
美式慢燒豬肋骨
豬肋骨上枱時已經切開, 肉質好淋且入味, 但我覺得醬汁過濃, 豬肋骨配上薯角, 而且份量都不少呢
牛肝菌汁意大利飯伴蒜香帶子
食左豬手及豬肋骨都飽左6成, 幸好飯唔係好大碟, 帶子得一隻真係唔夠分。牛肝菌汁太多, 感覺湯撈飯咁。
芝士焗辣薯茸
之前唔知豬肋骨有埋薯角, 所以都叫左, 份量比較少, 芝士汁都算多。
套餐仲有甜品及飲品, 呢個價錢真係好抵, 而且滿足晒我地對豬手的期望。
张贴
