215
20
10
港铁观塘站 A2 出口, 步行约7分钟 继续阅读
电话号码
22371119
营业时间
今日营业
11:30 - 02:00
星期一至四
11:30 - 00:00
星期五至六
11:30 - 02:00
星期日
17:30 - 01:00
公众假期
17:30 - 00:00
公众假期前夕
11:30 - 00:00
付款方式
Visa Master AlipayHK 支付宝 现金 银联
其他资料
网上订座
Wi-Fi
酒精饮料
自带酒水 详细介绍
切蛋糕费 详细介绍
电话订座
赏订座积分
加一服务费
电视播放
球赛直播
当面支付
有关奖赏计划
食记 (254)
等级4 2019-04-19
2003 浏览
今晚约左几位朋友食饭,朋友推介呢间德国餐厅,因为我上次有要事不能出席,故他们也就一就我再去一次这间餐厅等我可以品嚐下呢度的美食。这间餐厅在观塘工业区范围,要行一段路才找到,但都不致於难找的。去到见餐厅不是太大间,但座位濶落,胜左唔嘈,不限时,同朋友倾偈都几好。他们比我早到,他们预先叫了一个英式炸鱼薯条做前菜,炸鱼几脆,入面的鱼肉几鲜嫰,薯条新鲜,旁边还有芥末酱和茄汁配搭,唔错!三个朋友都喜欢饮啤酒,所以他们都叫了几支黎饮下。食完炸鱼就睇下餐牌有什麽好食,来这间的其中一个目的系想试它的德国火焰咸猪手,我地有四个人,但朋友建议因食物唔算太细,故不如叫一个二人餐,再散叫其它,见二人餐有我地想食的火焰咸猪拼牛仔肠,故我们叫了一个,二人餐除了主菜,还跟沙律,汤,意粉/饭,甜品拼盘,饮品等。等我介绍一下先。首先系水果青芥末沙律,虽然二人份量,但因为系前菜,四个人少少地食都唔错,芥末酱味道好好。配沙律一流!餐汤是周打鱼汤,本来二人餐得两碗餐汤,但餐厅好好人,见我地有四个人,故多给我们两碗。真系贴心!主菜终於上枱-德国火焰咸猪手拼牛仔肠,因侍应会点火在咸猪手上,故叫做火焰咸猪手,咸猪手味道不会太咸,外皮好脆,肉质不算嫰滑,但几入味,送酒一流,牛仔肠皮脆肉香。正!二人餐没有选择意粉,我们选择了黑松露意大利饭配大啡菇,意大利饭好香。有点点黑松露味道,大啡菇好大只,食落有咬口。不错!除了二人餐,我们还点算了几款主食,我地大家都喜欢食羊,见他的法式芝士芥末羊架几吸引,所以就叫了一个,羊架份量不少,有五块,每块都算几大件,好多肉,有少少羊味道,如果不喜欢有羊羶味的人都应该啱食,如果好喜欢食羊,就会觉得羊羶味太少。但味道系好食的,配上芝士芥未,啖啖肉。我地食食下见到隔离枱上了一份好似几大只的蚝,一问之下,侍应就介绍给我们这是芝士焗珍宝蚝,他还说,虽然得两只,但每只蚝都有手掌的大,就算我们四个人都够食呢,他还说味道唔错,珍宝蚝系即叫即开再焗,好新鲜的,见他推介,就试一试吧。上到枱,真的很大,以为个壳大入面蚝肉未必有咁大,谁知一看,原来都真系几大,我地每两个人食一只,分甘同味,唔会太腻,芝士香浓,蚝亦好新鲜,不会焗得太老,还食到嫰嫰的蚝肉。好味!食完珍宝蚝,都差不多饱晒。二人餐的甜品也随即送到,有一件朱古力挞,有三粒雪糕糯米糍,和两件蛋糕仔,朱古力挞朱古力味浓,雪糕糯米糍和蛋糕仔无什麽特别。四个人食都足够!餐饮叫了两杯青柠梳打,因为三个友人都饮啤酒,故这两杯青柠梳打变相由我来负责,味道清新,可以去除之前食芝士的罪恶感,不错选!除了个啤酒略嫌贵了少少,其他都尚算值回票价!下次可以介绍给朋友! 继续阅读
等级4 2019-08-25
721 浏览
【观塘西餐厅】------------------------------[环境]呢间「February」环境比较暗,气氛都几好,适合情侣饮下酒、谈下心💏店内另一边有两部大电视,同朋友波友一齐饮住酒、睇下波又得🍻[挪威烟三文鱼凯撒沙律]沙律菜同三文鱼新鲜,一人份量岩岩好。重点系只碟好靓🤣陈太系碗碟控☺️[芝士流心蟹肉配芥末沙律酱]呢个炸蟹饼入面好多蟹肉丝,蟹饼入面系拉丝芝士呀😍芝士控实满意🤗[法式龙虾汤]个汤超浓龙虾味,好鲜甜😻跟餐要加20蚊,但绝对抵加😌私心想加埋酥皮面就仲正🤩[松露野菌忌廉汤]汤入面饮到好多蘑菇蓉,菇味几浓,好creamy,陈太钟意饮😋[香煎西班牙黑毛猪鞍]虽然块猪鞍好厚,但唔会煎到乾晒喎,咬落仲有肉汁😋配埋薯蓉有忌廉同香叶🌿香味,正👍🏻[香煎美国顶级西冷]食西餐例牌都系要食牛扒😽叫左7成熟,西冷质素都唔错,有牛味。P.S. 餐厅位置既大厦入面有近期新开既钓鱼餐厅,陈生陈太表示手痕,想去试下钓🎣😙------------------------------地址📍观塘骏业街56号中海日升中心2楼A号舖港铁🚇 观塘站A出口------------------------------好味:😻😻😻😻性价比:😼😼😼<5只满分>------------------------------#陈生陈太 #吃货 #吃货夫妻 #eating #food #foodie #foodiehk #hkfoodlover #instafood #instadaily #hongkong #hk followforfood #followme #like4likes #likeforlikes #观塘 #西餐厅 #情侣 #浪漫 #睇波 继续阅读
(以上食记乃用户个人意见 , 并不代表OpenRice之观点。)
等级4 2019-07-29
313 浏览
星期日晚系屋企附近食饭,知道有呢间德国菜,好似有情调得黎又唔算贵,就黎左呢度食晚饭。前菜我地叫左蒜片辣椒煮大蚬($98),超多只蚬啊,口感弹牙,唔算辣啊,反而充满蒜香,系个非常好既开胃前菜。主菜我叫左慢煮比目鱼配牛油汁薯蓉蔬菜($180)。比目鱼超滑溜,鱼肉一片片白雪雪,用牛油汁煮令鱼味昇华不少,旁边既拌碟都好好食啊,西兰花软硬度刚好啊。朋友叫左鲜蘑菇牛肉汉堡($128)。牛肉同蘑菇真系perfect match,令汉堡包口感更丰富,蘑菇软弹,侍应有问我地牛要几成熟,朋友唔锺意太生,就叫左七成熟,都几有牛味。野饮朋友叫左Mango Freeze($62),芒果味。我就叫左Rose Garden($62),入面有blueberry, rasberry仲有earl grey tea,味道唔会过甜,酸酸地,几啱我口味。甜品系特浓朱古力心太软配云尼拿雪糕($68),朱古力几流心,焗得唔错,配上冰凉既雪糕,上面我地仲特别要求加左我同朋友既暗号,哈哈,系呢餐完美既终结。呢度午餐都唔错啊,几抵食。 继续阅读
(以上食记乃用户个人意见 , 并不代表OpenRice之观点。)
等级4 2019-07-13
1135 浏览
观塘February系酒吧餐厅,提供中价set lunch,好多同事包括我自己都食过。最近新推出任食牛扒,仲有啲任食小食,牛魔王嘅我地放工就嚟大擦一餐。坐低先叫两杯饮品。 【Mocktail February】由桃、橙汁调配,再加上忌廉,上面仲有彩色朱古力碎,卖相不错,味道适中冇过甜。【Naughty Monkey】有香蕉、朱古力、红莓同牛奶。 不嬲都锺意饮香蕉牛奶,呢只啱晒我。香蕉味香浓,同朱古力几夹。【任食牛扒餐】头盘叫左三款芝士小食:芝士焗西兰花、芝士焗薯角、芝士焗鸡翼。 芝士焗到半溶,面头微焦够晒香口,入面就软滑兼有拉丝效果,芝味香浓。西兰花支茎特别长,比较少见,咬落爽甜;薯角薯皮焗到够脆;最正系鸡翼,大大只热辣辣,脆皮鸡皮入面系鲜嫩鸡肉,仲几juicy。 估唔到小食都几高质,原本打算唔好食咁多,留力「冲」牛扒,但都忍唔住食晒西冷牛扒出场啦,标准重量系16oz,睇落唔大块但其实系厚切。叫咗五成熟,出到嚟过咗五成,熟咗少少,不过系高质牛,肉质软腍仲好juicy。 店员话如果想再食但惊食唔晒,下一份可以叫10oz,就唔怕浪费。 唔执输嘅我哋梗系encore啦,任食小食同高质牛扒,对於食肉兽嚟讲真系大满足。 继续阅读
(以上食记乃用户个人意见 , 并不代表OpenRice之观点。)