和生飯店

营业中

休息中

訓完個晏覺 一醒就已經係晚上九點鐘 所以就揀左呢間一落樓就到既和生飯店簡單咁食個晚餐伙記態度都幾友善咁帶我地入去張細枱 好快就俾茶同碗碟我地倆口子食大排檔都係求其叫兩個餸 一人一碗白飯填飽個肚就算呢度既咕嚕肉用左蜜桃黎炒 而唔係用菠蘿 酸酸甜甜好開胃 咕嚕肉又脆又多汁 炸粉唔多 又唔會乾爭爭 都唔錯因為好多日無食菜 所以特登叫左個雜菜煲 有幾種菜又有粉絲又有蝦米仔又有鮮魷仔 不過真係好清淡 雖然我地2個都好中意食菜 但真係食唔晒雖然個碗係細d 但係d飯塞到好實好滿 高岀個碗既一半 好有睇頭附近真係無啖好食 好彩仲有間開到咁夜既大排檔