和生飯店

营业中

休息中

喺屯門兆康屋邨附近嘅和生飯店，屬於典型地道街坊飯店，氣氛親切，主要客人都係附近街坊。我哋五點幾嚟到仲好清靜，不過去到七點左右已經坐到半滿，家庭客居多，感覺好有人情味。.今次叫咗幾款小炒，其中最驚喜係脆炸豬手，皮炸得酥脆但唔硬，豬手肉質嫩滑帶膠質，味道夠重又唔油膩，食落去唔會黐牙，非常出色。另一道推介係薑蔥炒魚腩，薑蔥味炒得好入味，啖啖都係鑊氣，而且魚腩用嘅應該係脆肉鯇，炒完之後依然保持到爽口彈牙，一咬落去就知係用心處理過。最後叫咗油浸多寶魚，平時多數係清蒸，呢度反而用油浸方式去煮，魚皮脆香，魚肉依然保留到原有鮮味，夠特別。整體嚟講，呢間嘢價錢合理，味道有鑊氣又唔馬虎，係一間值得回頭嘅街坊小店，啱晒一家大細或朋友聚餐。

和生飯店，是輕鐵站的一道風景線。每次輕鐵路過和生飯店，都覺這充滿煙火氣的大排擋有無比的吸引力。鄰近屯門醫院、 青松觀的關係， 加上鄰近輕鐵西鐵站，但凡春秋二祭或特別日子，這家總是人山人海。和生飯店價格算是親民，最人氣的一道是燒雞，惟獨是海鮮不便宜。最愛是客家糯米酒煮雞，這道是可遇不可求，酒香濃烈雞件嫩滑，冬日喝上暖烘烘的。和生飯店不是味道的保証，畢竟是街坊大排擋的本質，而街坊但求方便實惠，求的就是熟悉的味道，對霖迪來說也不過如此。

以村屋茶寮外型做酒家的現在真的買少見少，依輕鐵站在兆康外圍此店的確是極地奇珍。除了在半露天處設有較多通爽座位，怕涼的話可以室內坐的，客人大可各取所需。今次三人行點了四餸三飯一啤才不足三百元找數，可謂區內小炒平霸之選。第一道菜是椒鹽鮮魷，入口熱騰不愧是寒天之寶，炸皮奪目十分脆口而味道剛好，但魷魚卻稍過熟；第二道菜是雞牛串燒沙爹，很大串但要每串$18畧貴，雞還好但牛則太靱，只覺牛過熟是中式酒家的通病，不喜的朋友須注意這裡冇像西餐的半熟燒法，不過沙爹醬味道都唔錯且不辣；第三道菜是羅白炆牛腩，請注意這跟此店的牛腩煲不同而是用碟上冇湯，整碟菜雙重失色的是羅白不腍且牛腩太鹹；最後來的青架喱雞用煲仔上賣相最好，可能主廚用心去學過泰菜，此菜濃濃的檸葉香和辣味絕配及正宗，不喜太辣的人可叫小辣，雞份量適中配有大量吸汁配菜作中和膩滞感，既醒胃兼惹味，較多的架喱汁用來送飯一流！值得一提，此店有啤酒服務員，大生力$25一支，收費免加一兼有普通茶水供應，但由於侍應人手有限及年事已高，難免要三催四請見諒的。

本來打算去兆康苑那邊食少少嘢，行下行下見好似呢間都有多士之類，便入去坐了。初時見無冷氣都怕會唔會熱，不過太攰都照坐低先。.🎈環境: 一入去就有熟悉的舊時大排檔感覺，內廳好多位。當時大概下午三點左右，無乜食客。亦有啲近路邊的位仲有一啲枱有街境，港式露天茶座，仲有樹陰，如果換下啲枱櫈，完全可媲美外國嘅露天茶座。我哋坐左呢啲近路邊的位，久不久一陣的涼風吹住好舒服。.🎈餐牌: .我估夜晚先係主打，晏晝仲要係下午茶時間都有簡單餐牌。一般三文治、港式麵及飲品。夜晚就有小菜等。.🎈食物: .👇凍檸樂 $17，這個沒有評分意義便不評了.👇凍檸蜜 $15⭐️⭐️兩星原因是不知是什麼檸蜜，”pet”檸蜜好”傑”好黐笠”，同平時第二度啲檸蜜菜蜜不一樣，搞極都唔溶唔匀，飲晒杯野都無乜味，因檸蜜無溶，另外檸檬無乜肉，無乜檸味。價錢勝在夠平，坐得舒服。叫檸樂或檸水檸茶都應該好啲。.👇餐蛋治 $14 ⭐️⭐️⭐️ 涵不是太多，故沒影相。.👇奶醬多 $10 ⭐️⭐️⭐️💫(3.5分)穩陣之選，花生醬算夠，奶就唔太覺食到同睇到.👇腿蛋米 $21 ⭐️⭐️⭐️好處係應該無味精，原因係比較淡口🎈總結: ✅剛好當日天陰有微風，坐得好舒，又涼涼地，

星期六晚飯叫了兩個餸, 魚香茄子非常鹹,椒鹽豬扒吃到最後一件才發現原來未熟,通知老闆竟然說我們不早說,說吃最後一件才說, 好似我們想騙他咁,連道歉一聲都無, 永遠不會幫襯。食物環境不潔地下垃圾煙頭劣質非常

燒雞是每次必點的菜，皮脆肉嫩冇得輸，椒鹽魷魚夠獲氣，炸粉不多，比較薄身，不錯，咕嚕肉亦是炸粉不多，真材實料份量足，金銀蛋莧菜味道好，健健康康不太鹹，粟米魚肚羹非常足料，魚肚超多，所以口感非常有𡁻口。

2019年3月14日（星期四）冇裝修有客仔，係實力派。鐵皮屋大排檔別有洞天，竟然有靜侷貴賓廳！椒鹽炸脆鯇🐟味道濃郁，外脆內軟，多汁香口，唔使點淮鹽同喼汁都夠晒味，最啱送酒，好想啤一啤。🍺🍺梅菜扣肉梅菜扣肉好邪惡，但勁惹味！送飯一流。如果扣肉可以再淋D就更加好！金銀蛋莧菜莧菜淸甜又有蛋香，不過湯汁就削咗D，稀咗少少！始終其他兩個餸都係香口肥膩，青菜解油膩，大受歡迎，好快食晒！無拘無束食晏晝，小菜好食、抵食，下次再試其他菜式！

本人伙同五人首次到「和生飯店」共同進餐，我的朋友特意為我叫了半隻燒鵝，令我驚嘆不已就是燒鵝的賣相非常好，燒鵝肉質入口有口感及皮脆不肥膩，師父烤烘燒鵝非常了得，不愧店舖鎮山之寶。

同朋友接近晚上9點半，喺屯門搵宵夜食，朋友話想食大排檔小菜，一諗就諗到呢間~和生飯店，入座剛好10點，侍應姐姐溫馨提示我地要一次過落單，因為廚房10點半截單，所以我地一鼓作氣叫咗呢樣餸。蘿蔔牛腩煲，估佢唔到牛腩夠林，蘿蔔又好入味。黃金鮮魷，太乾身，蛋黃唔痴鮮魷，各食各咁囉！節瓜粉絲蝦米~如果節瓜再林啲就好，味道夠濃。價錢真係好抵食，可能廚房大哥趕收工，味道比之前食爭少少，但都見得人嘅，講真~已經阻人收工，仲想點

😀其實呢間野一直都好出名，佢就係屋企附近，終於試到，可惜有少少失望。馬拉盞炒通菜 份量係正常，但坦白講食唔到香味，而且成碟野好油，明白大排檔都係會油d 但冇諗過食完成個碟都係油呢個魚頭煲算係咁多樣最好食，不過只限正正常常冇咩特別小炒皇本身一路食一路好嬲， 多數小炒皇都有韮菜，上網睇番原來呢到冇，搞到我以爲廚師失戀唔開心所以唔落 不過值得一讚係呢到價錢好平，一碟菜都係四十幾蚊，阿姐態度都幾好。聽朋友講話呢間有泰國野，仲幾得，我決定比多次機會佢，下次再後黎食泰國野

依家要搵一間又平又好食嘅大牌檔真係好難，一黎鋪租貴，二黎炒嘅菜又冇咩鑊氣。和生飯店係例外之中嘅例外，而且正正係輕鐵店隔離，一落車就見到。黎得依種大牌檔就唔好預咗會好乾淨或者有好好嘅服務，大家都係粗聲粗氣嘅~首先有豬展拼豬肚，係好開胃嘅冷盤。仲有大蝦伊麵，唔洗$100就有得食，蝦有成7、8隻左右，芝士味唔重又唔會太淡，啱啱好。蘿蔔炆牛坑腩簡直係極品，牛坑腩肉質鮮甜，蘿蔔soak哂啲腩汁好入味，食極都仲有證明份量足。另外依間大牌檔仲可以叫泰式燒烤，我地叫咗燒豬頸肉，即叫即燒，又唔肥，配上泰式醬汁。蠔餅反而就麻麻地，蠔得幾粒，而且麵粉太多。

訓完個晏覺 一醒就已經係晚上九點鐘 所以就揀左呢間一落樓就到既和生飯店簡單咁食個晚餐伙記態度都幾友善咁帶我地入去張細枱 好快就俾茶同碗碟我地倆口子食大排檔都係求其叫兩個餸 一人一碗白飯填飽個肚就算呢度既咕嚕肉用左蜜桃黎炒 而唔係用菠蘿 酸酸甜甜好開胃 咕嚕肉又脆又多汁 炸粉唔多 又唔會乾爭爭 都唔錯因為好多日無食菜 所以特登叫左個雜菜煲 有幾種菜又有粉絲又有蝦米仔又有鮮魷仔 不過真係好清淡 雖然我地2個都好中意食菜 但真係食唔晒雖然個碗係細d 但係d飯塞到好實好滿 高岀個碗既一半 好有睇頭附近真係無啖好食 好彩仲有間開到咁夜既大排檔

兆康呢邊都可以話係美食沙漠，好難先搵到似樣d既野食。同班朋友尼過幾次和生，感覺都唔錯，員工又友善，地方都闊落，價錢又適中，幾適合三五知己一齊尼聚會。同一般大排檔其實差唔多，但係對於住係美食沙漠既我地尼講，已經係漆黑中既曙光！今次就叫左個炸物大集燴，分別有蠔餅、椒鹽鮮魷、咕嚕肉同西檸雞。蠔餅既水準其實都幾波幅，有時會炸得好脆，有時又會好有蛋味，睇你好唔好彩啦！椒鹽鮮魷就幾正，好有風味同夠新鮮！咕嚕肉就不過不失，如果想試特別菜既話，未必要叫呢個送！西檸雞炸得幾酥脆，十分不錯！

今日又到男人聚會，當然都係係去大排檔啦。今次男人就選擇咗去麒麟站嘅大排檔，去到好彩今日唔算好熱，有風扇都可以接受到，而且衛生程度都唔錯。今次嗌咗五樣送兩個飯再加一個嘢飲每人都係一百蚊好抵食，金銀蛋菜心菜心啱啱煮得都幾好夠入味，金銀蛋份量少咗啲，但係都可以接受。椒鹽九肚魚覺得唔錯，因為唔太由而且面都夠脆口入面九肚魚都好滑溜 。馬拉盞炒通菜好咸，同埋通菜太熟所以好淋，味道好一般。清湯腩蘿蔔唔夠入味，牛腩夠淋但係都係冇乜味道，有啲鞋只係屬一般。西檸雞雞食落去口感麻麻哋，醬汁唔錯夠酸而且唔會太杰身。 所以最後我哋帶咗食咗兩個鐘頭整體上都滿意，因為始終好抵食嘅關係，但係整體餸就覺得鹹咗少少。

入嚟屯門就試試佢啦，聽聞出名乳鴿燒鵝，但今次兩樣都冇叫丶因為喉嚨痛，叫咗個滷水拼盤，出奇地好味，金錢肚、豬大腸、豬手，等，豉油王炒麵，非常好味又夠晒鑊氣啫啫雞煲，分量非常細好似得六七嚿雞，味道一般！佢有室內及戶外地方，戶外地方非常多蚊，三樣餸加兩支啤酒都係＄200