入到cafe室內格局跟我兩年前嚟過差不多。 可能因為呢個場地方較大， 所以餐枱之間嘅距離會較闊落。 食物上沙津冷盤款式選擇會較多，但中西熱輋等嘅食物款式選擇相對較少。至於呢度新鮮蒸龍蝦是任攞任食， 另外有我喜愛嘅星洲喇沙及萄式乳豬等其他地方自助餐少有供應嘅食物。 至於食物水準以至員工服務， 都是中規中矩，跟其他同級酒店嘅水準差不多。
凍海鮮- 基本嘅海鮮種類有齊， 正常水準
刺身- 整體魚肉唔算光澤油潤， 味道未算太鮮甜。
沙津冷盤- 有多款甜嘅酸嘅辣味爽脆嘅自家製沙津冷盤，各式其式， 賣相唔錯， 味道幾啱我個人口味。
燉湯- 除咗燉湯外， 亦有兩款中西湯可選擇。 至於呢個燉湯唔油， 看得出幾濃郁， 味道都幾甜。
熱輋- 實話實說熱輋選擇唔算特別多， 亦欠驚喜。而且似乎欠缺咗些有特色或招牌吸客嘅菜式 。 但食物味道上始終是酒店級數， 會有一定水準保証。
即煮意粉- 呢個即煮意粉， 賣相味道都非常ok。
甜品- 蛋糕及甜品相信唔會係呢個自助餐嘅賣點。 蛋糕款色欠驚喜吸引， 而且選擇唔多。
