影片
更多
2021-05-31
667 浏览
今日同朋友預早慶祝生日，book咗間高級日式餐廳試試，餐廳menu非常簡單容易，就係Omakase Set廚師發辦 ，全數合共25道菜，菜式係根據餐廳當日入貨而決定，希望做到所謂不時不食，給予廚師更大自由度去發揮，每位盛惠$1280，另需加一服務費。餐廳位於駱克道駱克駅27樓，裝修時尚優雅，思鄉病發嘅我，有仿如置身於梅田摩天大廈用膳嘅感覺。大阪泉洲生茄子，味道清新，經理强調只有呢款茄子可以生食，而且產量不多。沖繩水雲配蟹肉，水雲(亦稱為海髮菜)配上酸醋，再加上鮮甜嘅蟹肉，入口非常順滑醒胃。池魚，師傳將池魚切成細條狀，肉質爽滑彈牙，配有少少蔥粒、豉油，魚香味濃。燒白貝，師傅以鹽燒過 ，口感爽甜，完全無痴牙感覺，而且非常鮮味。再嚟就係數款壽司，分別有蜜柑鯛魚壽司、地金目鯛壽司蜜柑鯛魚壽司，表面晶瑩剔透，品嚐時唔會有魚腥味，反而有淡淡清香，而且入口即溶；無需太多調味，都已經覺得非常滋味。地金目鯛壽司，油脂含量適中，肉質細膩。北海道活北寄貝，平時大家食開嘅熟北寄貝通常係紅色，而呢一款係更高級，不但甜度十足、而且味道鮮美，係食日本料理時必須品嚐嘅其中一款海產！考考師傅刀功系列，分別有北海道牡丹蝦
大阪泉洲生茄子，味道清新，經理强調只有呢款茄子可以生食，而且產量不多。
沖繩水雲配蟹肉，水雲(亦稱為海髮菜)配上酸醋，再加上鮮甜嘅蟹肉，入口非常順滑醒胃。
池魚，師傳將池魚切成細條狀，肉質爽滑彈牙，配有少少蔥粒、豉油，魚香味濃。
燒白貝，師傅以鹽燒過 ，口感爽甜，完全無痴牙感覺，而且非常鮮味。
再嚟就係數款壽司，分別有蜜柑鯛魚壽司、地金目鯛壽司
蜜柑鯛魚壽司，表面晶瑩剔透，品嚐時唔會有魚腥味，反而有淡淡清香，而且入口即溶；無需太多調味，都已經覺得非常滋味。
地金目鯛壽司，油脂含量適中，肉質細膩。
北海道活北寄貝，平時大家食開嘅熟北寄貝通常係紅色，而呢一款係更高級，不但甜度十足、而且味道鮮美，係食日本料理時必須品嚐嘅其中一款海產！
考考師傅刀功系列，分別有北海道牡丹蝦刺身、活赤貝、湯葉
北海道牡丹蝦刺身，師傅細心將所有蝦肉、蝦膏拆好後擺得靚靚，方便客人食用，完全唔需要自己落手，啱哂我呢d懶人。
活赤貝，肉質爽口彈牙，新鮮爽滑，再配上酸汁，清新宜人。
湯葉，即係日本嘅腐皮，豆香味十足，以魚子作配形成强烈對比。
島根縣春香岩蠔，擺放喺磨沙玻璃托盤上顯得格外高貴，連殼有成隻手掌咁大呀，當你嘗試全隻一啖吞落口，蠔味濃郁，一試難忘！
白蝦壽司，將白蝦去殼放喺飯上面，再加上金箔及黑魚子，高貴得嚟又滋味。
對馬赤鯥壽司，又稱為口黑，炙燒過嘅赤睦香而有咬口，口感層次鮮明。
岩手縣紫海膽，吸睛打卡首選，d刺篤落去仲有反應㗎，都唔知幾耐未食過咁新鮮嘅原隻海膽，三文魚子都可憐地被迫淪為配角😆
磯煮鮑魚撈蟹膏，煙韌得嚟有彈性，並非死死實實貨色可以相題並論，再喺鮑魚表加上濃濃嘅蟹膏醬，一試難忘。
香魚BB天婦羅(春夏季限定，由於佢係草食性魚類，食植物大，所以草青味比較重，近頭部位置會有少許甘苦味屬正常)師傅细心咁將香魚炸至可以企喺碟上，非常立體。
麵豉湯，好多人一見到會認為好普通，但當你飲落去，就會分辨到新鮮麵豉湯，同一般坊間提供以味粉開出嚟嘅麵豉湯有幾唔同，呢個留俾大家到訪時嘗試。
燒玉子，非常滑溜，滿滿蛋香味，小巧精緻。
最後再以時令日本蜜瓜配朱古力卷作結，濃濃朱古力味，再加上甜度十足、d汁多到要以澎湃去形容嘅蜜瓜，簡直係完美。
除咗材料嘅新鮮，師傅技藝嘅高超，經理嘅介紹、細心服務亦係用餐體驗嘅重要一環；呢間鮨逸真係連呢一點都做到稱心滿意，佩服。
當大家勞勞碌碌工作，間中真係要食餐好嘅去獎勵下自己享受一下，咁先至繼續有動力去為生活打拼。
张贴
