菠蘿冰室 (已結業)

今日咁岩經過西灣河，咁啱下午茶時間，就求其搵間餐廳坐低，見到呢間菠蘿冰室好似坐得幾舒服，就入咗去啦。下午茶都好多選擇，我就叫咗個菠蘿西多士加凍奶茶，同事就叫咗個好特別嘅同事菠蘿包， 5分鐘就上菜，超快手。個菠蘿西多士，入邊真係有菠蘿㗎，咁大個女都未食過，又幾好食喎，原來菠蘿同西多士可以好夾，同事都話個公司菠蘿包好好食，下次我都可以試吓，因為好有創意，我喜歡。杯凍奶茶亦都好好飲，唔知出邊好多冰，好快就飲晒。你間茶餐廳，睇得出好有心去煮，絕對值得一試。