新寶馬茶餐廳小廚

营业中

休息中

行完坪洲，接近5pm，特別黎呢間小店，因為有「菠蘿包夾雪糕」，所以趕住黎食，幸好仲未售罄。菠蘿包夾雪糕限量菠蘿包夾雪糕，個包烘得香脆熱辣辣，一咬落去，好清脆的菠蘿包皮，麵包仲保持鬆軟，夾著冰凍雪糕，一冷一熱，一脆一軟，味道同口感都有強烈對比，好味好正。芝士火腿西多士咸甜之間，味道豐富。西多炸得香口，落左糖漿甜甜地，有芝士火腿的咸香，中和糖漿的甜膩，所以味道岩岩好，半溶芝士超吸引。沙嗲牛肉麵呢度嘅沙嗲牛肉麵特別唔同，非常好味。沙嗲味香濃惹味，牛肉份量多又嫩，最正係個麵，估唔到口感超好，爽滑有彈性，同平時d茶記嘅麵唔同，超讚。