新寶馬茶餐廳小廚

营业中

休息中

諗住菠蘿包係佢招牌菜，沙嗲牛肉穩穩陣陣唔會難食得去邊，點知大中伏，超級難食🤢沙嗲牛肉得個鹹字，完全冇沙嗲味，中間仲夾咗酸薑，完全唔夾，味道超怪。而且菠蘿包亦唔係平時菠蘿包嘅味道，個皮都怪怪地，冇平時菠蘿包嗰種甜味。總之個包好難食，千祈唔好嗌😓另外叫咗一杯桃膠開心果雪糕特飲，味道OK，開心果味濃，不過小貴。

叫了蝦膏炒飯 和 鰻魚炒飯 飯都炒唔開 一坨坨飯 真系難食唔會再來餐又唔包嘢飲 唔抵一杯奶茶21 咖啡都係 21 凍飲還要加三蚊 反正我係唔會再幫襯 服務態度都好麻麻 唔會再幫襯🤮😮‍💨😮‍💨😮‍💨

見咁耐冇去坪洲一於入去周圍睇下，順便搵下有咩野食😋咁岩見到呢間茶餐廳 ，入面裝修簡單有個大旗袍掛左係度佢地有好多唔同款式既菠蘿包有啲野飲個名仲好特別🤣而我都叫左杯汪明荃試下平時唔多飲咖啡既我，覺得都唔錯芬達中和左咖啡既苦味，飲落去一啲都唔覺得苦，仲有少少甜甜地幾特別而雪糕菠蘿包都係第一次食菠蘿包成個好香脆，雪糕係香芋，雲呢拿同芒果3隻味食落去好有驚喜！同啲雪糕好夾薯條普普通通整體黎講呢間茶餐廳都值得一試！

地道的茶餐廳風格舊式枱凳悠閒的午後時光最為出名的莫過於他們的冰火菠蘿包酥脆的外皮和綿軟的內餡咬落去有爆漿感大大球雪糕 我食到有3種味香芋雲呢拿芒果不同口味間的轉換加埋菠蘿包味道回味無窮📍新寶馬茶餐廳坪洲永安街29號

第一次同朋友遊坪洲，行到一間Cafe因為冇冷氣太熱，所以搵了另一間嘢食。俾菠蘿包嘅相吸引住，於是乎走進這間茶餐廳，坐低見餐牌餐牌嘅飲品名字好有趣，有點期望。我哋叫了一個日式豬扒菠蘿包，一個日式雞扒菠蘿包。想像中嘅豬扒包應該好厚好多汁大大塊嘅，而菠蘿包應該係鬆軟熱辣辣。幻想中總是美好，豬扒包，有3條粗過手指嘅豬扒，而日式雞扒都係有3條粗過手指嘅雞柳，味道正常嘅。而菠蘿包應該係翻焗，菠蘿皮乾爭爭硬掘掘一啲都唔好食，一個字『中伏』☹️。紅豆冰⋯⋯大快活俾佢略勝一籌。好彩，杯檸檬利賓納梳打，因為杯嘢全部係現成，所以好飲。另外，茶餐廳坐完之後成身都係油煙味，真係好勁。

曾經一年來三次食物是不錯，番茄湯面，足料但服務態度越來越差，店員帶住口罩也見到黑面，今天完美表達出”吾歡迎你再次光臨”!!是的，我不會再來，支持其他新餐廳附近真的選擇多了

去坪洲玩之前 搵左下坪洲有咩好食 見到都幾多人推依間～大大個菠蘿包 再加上兩球家庭裝雪糕 椰子香芋味道 真沒想到跟菠蘿包好襯 這個菠蘿包最意想不到的是 上面外皮松脆之外 連下面底層也是脆卜卜的🥹 真係比個100分佢👍🏻· 馬來咖吔西多士 這個黑巧克力雪糕 完全岀哂事😂濃厚而且苦苦的巧克力味道 完完全全地把這個咖吔西多士的味道覆蓋了 完全吃不岀咖吔的味道完美地變成了巧克力味道的西多士🤪如果可以配上較清淡的雪糕味道應該會更好味😋· 黑牛 （朱古力雪糕+可樂） 黃牛 （雲呢拿雪糕+忌廉）現在已經很少餐廳有了 經典茶記美食😋

坪洲一半天遊，天氣實在太熱，行了一陣，就去新寶馬茶餐廳，試咗佢嘅菠蘿日式雞扒包 和蕃茄豬扒麵 ，凍檸茶及桃膠紅豆特飲，菠蘿日式雞扒包，包面香脆，雞扒嫩滑入味 ，加上酸薑粒，味道很好。茄汁豬扒麵的茄汁濃郁，豬扒好味，凍檸茶正常，桃膠紅豆特飲很特別，桃膠加上紅豆，出奇的相襯，桃膠份量不少 。這一餐很滿足。

呢間茶餐廳好特別，餐牌不論食品還是飲品，配搭都很多。一坐低就有一壺茶飲，唔知咩茶嚟，但淡淡地既，可以任湛既。🍞榴蓮西多士個多士新鮮熱辣咁既，切開細細件分嚟食，吉下又一件吉下又一件，甜甜地幾好食。🧀芝士蛋糕淡淡地既芝士蛋糕，還可以。去到離島行到攰時，有一間呢啲小廚坐低休息下，嘆下茶relax 下都唔錯。

📍坪洲地道茶記‼️• 咸牛肉菠蘿包食過未😍 -- 新寶馬餐廳小廚🐴·Follow @pigfoodiexhk for more food!🐷#pigfoodiexhk_坪洲#pigfoodiexhk_港式=======================咁大個女第一次入坪洲！🤣🤣本身bookmark咗海興隆嘅西多士點知當日無開門😵所以就去咗隔離嘅新寶馬試試，呢間嘅雪糕菠蘿包亦都好出名，不過見到評價好參差，所以今次就冇試到🙃------------------------------⭐️咸牛蛋菠蘿包 $34 （4.2/5）菠蘿包面頭香甜微脆，咸牛肉蛋鹹香十足，兩者加埋鹹甜交錯，不俗😍👍·⭐️豬扒炒通粉 $62 （3.5/5）好有鑊氣嘅炒通粉，好夠色水份量夠多～通粉彈牙但頗油膩吓🤢豬扒肉質腍身👍·⭐️紅豆好立克特飲 $28 呢杯中晒伏🥲顏色灰灰黑黑唔太討好，飲落仲要係室溫唔凍，甜到hihi🤮❌❌❌------------------------------整體嚟講食物唔算好特別，都係普普通通嘅茶記🥶唔建議飲佢個紅豆特飲😂------------------------------賣相：3/5味道：3/

第一次平日入離島玩，我同朋友揀咗去坪洲👯‍♀️。坪洲只係得1/3既長洲大，平日嚟無乜人，更加可以放慢腳步，欣賞大自然～上網見到好多人都介紹，去到餐廳都見唔餐牌有😯，例如菠蘿包轉咖啡包？！豬扒炒通粉？！注意最低消費每人$40。🍍🍦菠蘿包夾雪糕：$35（正常size) / $32 （迷你）勁脆既菠蘿包‼️‼️必食‼️‼️再加上凍冰冰嘅雪糕包含咗椰子🥥、香芋 、芒果🥭味。為咗方便share食，一人一個雪糕，我哋揀咗正常size🤤👍🏻。🐖豬扒炒通粉：$62有鑊氣‼️重點豬扒非常軟熟‼️‼️‼️好食😋～

呢度嘅新寶馬茶餐廳小廚真係唔錯喎！我今朝去試咗佢哋嘅日式雞扒菠蘿包同乾炒豬扒炒通粉，食物真係好好味！首先，日式雞扒菠蘿包，個菠蘿包外皮脆脆地，雞扒煎得啱啱好，入邊有啲生薑配搭幾得意。而啲炒通粉，個通粉炒得好香，味道唔會太重，加埋啲豬扒，啲豬扒好嫩，唔會太硬，外表炒得幾香口，第一次食炒通粉係幾得意。我叫了一杯菠蘿冰，略嫌菠蘿冰有點甜，如果偏喜歡飲甜野的人應該喜歡，我就麻麻哋了。總括而言，食物好好味，價錢又唔貴，真係好抵食！服務方面都好好，員工好親切，真係值得一試啊！

菠蘿豬扒包，包乾和硬，應該是大批入貨並已存放多日，菠蘿皮超薄及無味道，上枱時仍熱，應該是微波爐翻熱，令隔夜菠蘿包因抽乾水份，變成硬包。豬扒，超乾和硬，是預先製作，客人叫時再翻炸，但炸過火，似食豬肉乾，多渣難吞。包內有蟹子粒，不知道是否屬於刺身食品，甜包與咸蟹子粒完全唔夾，而且食物安全成疑。菠蘿包雪糕，菠蘿包的口感與前述一樣差，雪糕是不會溶化的，(不建議)給兒童食，出名原因跟大帽山頂有雪條賣的理論一樣，此出品一定不能在巿區生存。紅豆十分硬，完全無用心去制作，可能煮紅豆也要成本，不乎合賺到盡的目標。

坐低舉咗手5分鐘都無人理，啲staff 行過係無視你… 我哋落單之後等咗成20分鐘都未有野食，遲過我哋入坐既客都上哂野食。 我哋追問係咪無落單，個老闆娘話”如果無落單，就唔會知我哋食乜，會再問過我哋食咩啦”😵完全無歉意… 最後我哋話等太耐唔食啦，老闆娘即刻叫廚房唔洗煮🙄🙄 明明漏單都死口唔認，服務態度好差

食完拼盤之後行多陣就差唔多夠鐘坐船回程，係臨走前見到呢間餐廳好似有啲特色，所以就順手幫襯埋。見到餐廳周圍都係有關菠蘿包雪糕既資料，相信應該係主打菜，自己覺得餐牌啲食物部分有點偏貴，而且設每位最低消費要 $40 蚊，菠蘿包夾雪糕賣 $35 蚊，變相好似焗你要叫多樣嘢咁。自己覺得菠蘿包夾雪糕冇乜特別，所以最後叫咗其他食品。芝士肉丁炒蛋菠蘿包 ($36) : 菠蘿包熱辣辣夠香脆，最估唔到芝士肉丁加炒蛋呢個組合又幾夾。