影片
更多
2021-03-13
85 浏览
近呢幾次去彌敦道726號salon整頭髮，就發現呢棟大廈🏢越黎越多食肆進駐🧐 早幾日因為去剪頭髮💇🏻♀️，就搵左呢間泰國菜餐廳同家人一齊食晚飯🍴餐廳既面積都幾大，枱與枱之間雖然唔算好闊落，起碼都叫做坐得舒服🤔 當日我地7點去到已經有六七成入座率，估唔到大家咁識搵地方食飯🤣******************************✨ 醃酸辣鳳爪 ($78)鳳爪十分爽口而且夠凍❄️，食落冰冰涼涼，加埋酸酸甜甜既醬汁，作為開胃前菜就最適合不過😋 最重要既係因為個醬唔辣，只要避開d辣椒籽🌶，就算係唔食辣既朋友都食得到👌🏻-✨ 馬拉盞炒西蘭花🥦 ($72)馬拉盞炒菜平時就食得多，難得呢度有西蘭花就點左碟黎試😼西蘭花新鮮炒起非常有鑊氣，上桌既時候仲出緊煙，熱辣辣之餘仲香氣撲鼻🌀馬拉盞味道唔會過鹹，西蘭花爽脆，就算食蔬菜都可以好惹味😛-✨ 泰式沙嗲 (半打)🍢 ($85)沙嗲串絕對係泰國菜必點item，唔知大家又點睇呢？😆呢度既沙嗲串有豬🐷/牛🐮/雞肉🐔可以任選兩款，當日我地就揀左豬肉同牛肉，每一串肉都大舊到牛龜咁大，性價比甚高🤩啖啖肉既沙嗲串加上香濃沙嗲醬，惹味之餘仲夠juicy，不過個人覺得牛肉
近呢幾次去彌敦道726號salon整頭髮，就發現呢棟大廈🏢越黎越多食肆進駐🧐 早幾日因為去剪頭髮💇🏻♀️，就搵左呢間泰國菜餐廳同家人一齊食晚飯🍴
餐廳既面積都幾大，枱與枱之間雖然唔算好闊落，起碼都叫做坐得舒服🤔 當日我地7點去到已經有六七成入座率，估唔到大家咁識搵地方食飯🤣
******************************
✨ 醃酸辣鳳爪 ($78)
鳳爪十分爽口而且夠凍❄️，食落冰冰涼涼，加埋酸酸甜甜既醬汁，作為開胃前菜就最適合不過😋
最重要既係因為個醬唔辣，只要避開d辣椒籽🌶，就算係唔食辣既朋友都食得到👌🏻
-
✨ 馬拉盞炒西蘭花🥦 ($72)
馬拉盞炒菜平時就食得多，難得呢度有西蘭花就點左碟黎試😼
西蘭花新鮮炒起非常有鑊氣，上桌既時候仲出緊煙，熱辣辣之餘仲香氣撲鼻🌀馬拉盞味道唔會過鹹，西蘭花爽脆，就算食蔬菜都可以好惹味😛
-
✨ 泰式沙嗲 (半打)🍢 ($85)
沙嗲串絕對係泰國菜必點item，唔知大家又點睇呢？😆
呢度既沙嗲串有豬🐷/牛🐮/雞肉🐔可以任選兩款，當日我地就揀左豬肉同牛肉，每一串肉都大舊到牛龜咁大，性價比甚高🤩
啖啖肉既沙嗲串加上香濃沙嗲醬，惹味之餘仲夠juicy，不過個人覺得牛肉略嫌有d韌，豬肉會比較好食😅
-
✨ 青咖喱雞肉🥘 ($82)
咖喱同樣係泰國菜必食item，呢度既青咖喱有豬🐷/牛🐮/雞🐔/鴨肉🦆可選，當日我地揀左沙嗲串以外既雞肉，令呢一餐晚餐食勻豬/牛/雞三款肉類😝
青咖喱帶有淡淡椰汁味🥥，唔食得辣既我覺得有少少辣，不過係可接受既辣度👌🏻
咖喱入面有好多雞肉，仲有椰菜花、西蘭花、紅蘿蔔同紅椒，超級足料👍🏻
-
✨ 印度油酥餅 (2件)🫓 ($36)
由於家人唔想食飯，我地就點左份印度油酥餅
餐廳好貼心咁將油酥餅一分為四✂️，香脆得黎唔會過油，蘸點咖喱黎食都不錯👌🏻
******************************👧🏻人均消費：$180 (另+10%服務費)
😋味道指數：3.5/5
💰抵食指數：3.2/5
🪑環境指數：3/5
💁🏻♀️服務指數：3/5
👍🏻再訪指數：3/5
-
📍泰屋
地址：旺角彌敦道726號2樓
⏰營業時間：12:00–23:30 (Mon–Sun)
张贴
