影片
更多
2021-05-28
183 浏览
今日同媽咪去開佐敦拎家電，順便睇吓附近有咩中菜廳好食！喺窄巷見到呢一間，食評又唔錯，就行咗入去！👍🏻伊比利亞叉燒皇上台已經聞到好香甜甜既味道，叉燒油脂分佈得好平均，食落幾有咬感、好鬆化之餘都好淋 (類似半肥瘦既口感)。蜜汁做得濃醇香甜，帶有小小既焦糖香，連個叉燒邊都脆皮！成為一個好出色既小菜。👍🏻百花炸釀松葉蟹鉗炸蟹鉗好大份，賣相好得。炸得不油不肥，同時做到外脆內彈牙既口感。蟹鉗肉鮮甜，無多餘味精！👍🏻星洲麥皮蝦第一次嘗試既菜式，的確齒頰留香。廚師用左肉質爽彈既大蝦，炒上麥皮同蛋，食落會帶有少少奶油香、麥皮既脆香、青椒嘅青芬味。另外加配埋鹹蛋黃，令成碟菜式多左一份鹹香，的確係好食推薦。(每一隻蝦中間都界左一刀，所以蝦肉都好夠味 👍🏻椒鹽茶樹菇好少地方有得食，通常都係杏鮑菇。熱辣辣炸上台，鬆脆可口，椒鹽分量剛剛好，唔會話太鹹，不過略嫌炸粉多咗少少。👍🏻薑蔥魚雲煲上枱嘅時候仲渣渣聲，每件魚雲大大嚿而且啖啖肉，肥美香口，餐廳把魚雲微微炸過，加上爆得非常惹味既薑蔥，的確唔錯！👍🏻薑汁糕、紅棗糕薑汁糕薑味好夠，口感煙韌，作為一個飯後甜品暖下胃真係一流。紅棗糕亦都唔輸蝕，棗蓉味好香甜，而且一層一層
👍🏻伊比利亞叉燒皇
上台已經聞到好香甜甜既味道，叉燒油脂分佈得好平均，食落幾有咬感、好鬆化之餘都好淋 (類似半肥瘦既口感)。蜜汁做得濃醇香甜，帶有小小既焦糖香，連個叉燒邊都脆皮！成為一個好出色既小菜。
👍🏻百花炸釀松葉蟹鉗
炸蟹鉗好大份，賣相好得。炸得不油不肥，同時做到外脆內彈牙既口感。蟹鉗肉鮮甜，無多餘味精！
👍🏻星洲麥皮蝦
第一次嘗試既菜式，的確齒頰留香。廚師用左肉質爽彈既大蝦，炒上麥皮同蛋，食落會帶有少少奶油香、麥皮既脆香、青椒嘅青芬味。另外加配埋鹹蛋黃，令成碟菜式多左一份鹹香，的確係好食推薦。(每一隻蝦中間都界左一刀，所以蝦肉都好夠味
👍🏻椒鹽茶樹菇
好少地方有得食，通常都係杏鮑菇。熱辣辣炸上台，鬆脆可口，椒鹽分量剛剛好，唔會話太鹹，不過略嫌炸粉多咗少少。
👍🏻薑蔥魚雲煲
上枱嘅時候仲渣渣聲，每件魚雲大大嚿而且啖啖肉，肥美香口，餐廳把魚雲微微炸過，加上爆得非常惹味既薑蔥，的確唔錯！
👍🏻薑汁糕、紅棗糕
薑汁糕薑味好夠，口感煙韌，作為一個飯後甜品暖下胃真係一流。紅棗糕亦都唔輸蝕，棗蓉味好香甜，而且一層一層做得相當平均又分明！
👍🏻👍🏻職員好主動幫我哋換碟加熱水！
💡茶$15一位，如果唔想食花生前菜可以豁免！
张贴
