聚聚 (已結業)

依間係新派粵菜，應該叫做fusion中菜，餐廳係用西餐模式演繹中菜。例如酥皮雞，同個餐湯，仲有每位上的珊瑚蚌….都有西餐的影子。因為朋友食過覺得好味又抵食，所以就約埋一齊再嚟試。友人之前同老公兩個人話食唔晒二人餐。所以今次我哋三個女人仔就叫一個二人套餐三人分享，職員都冇所謂，唔會話三個人唔准食二人套餐或黑面。當日二人套餐仲有特價，好抵。唔記得咗影隻雞，因為掛住食。魚很好吃，份量很大，魚湯很鮮甜。當日沒有糯米飯，用普通米飯代替，炒得不錯。冇帶子俾咗珊瑚蚌，味道正正常常。杏汁豆苗是第一次吃，魚湯浸菜，同埋豆漿浸菜都試過，睇得出廚師唔係墨守成規。菜式很精緻。服務都唔錯。價錢更加係抵食，因為我哋三個人，每人先二百幾蚊。唯一唔好就係有啲食材臨時沒有要改第二樣。總結：去開屯門會再去。