夢上海 (已結業)

上星期同班friends gathering, 諗左好耐都決定唔到去邊，最後由我話事去夢上海食野。 我係睇報紙先知有尼間餐廳架，我偶像莫文蔚個daddy係篇訪問入面勁讚尼間餐廳，仲推薦左好多特式上海菜，睇到我留晒口水，所以點都要班friends陪我試下~ 先講下環境，個餐廳係間大酒店外側，有一大排棕櫚樹圍住，陣陣涼風吹送，感覺都幾寫意架…但位置真係幾隱蔽，一般街客未必識搵到黎尼度! 餐廳入面既裝修就好有中國特式，卡位寬敞乾淨又舒服，唔錯!前菜我地點左兩三樣野， 我既至愛係鎮江肴肉 ， 一塊塊晶瑩通透，皮白肉紅， 香酥鮮嫩，正! 跟住叫左個海鮮酸辣湯，尼個湯係莫uncle既推介，用左老火湯做底，質感豐厚，味道一流!　 之後叫左招牌菜北京填鴨二食，侍應將成隻鴨推出黎片，咁大隻鴨睇到我地眼都凸埋，好彩隻鴨肥而不膩，鴨皮薄脆鴨肉鮮嫩，我地4個人只係食剩少少，算好犀利架喇~ 最後，我地係侍應姐姐既誠意推介下，再要左個醬炒年糕蟹。奪目既橘紅色蟹年糕一上檯，連隔離既食客都忍唔住偷望呀! 尼個亦係我地４個最驚豔既菜式! 大肉蟹 肉厚鮮甜，年糕黏軟彈牙，吸收左蟹既鮮味同醬汁既香濃惹味，簡直係一絕呀! 尼