莆田 (美麗華廣場2期) (已結業)

又黎到蟶子既當造既時候，梗係要大吃特吃叫咗2款不同煮法既蟶子，第一款係鐵板鹽焗蟶子 ($99) 同冰爽酒糟蟶子($119) 2樣食落口感好唔同，但鮮味同樣保存得好好！鐵板焗既蟶子食落好香，鹽焗既形式將咸味輕輕帶入蟶子又不失鮮味，就好似烤魷魚咁好食而酒糟蟶子同樣有驚喜，蟶子食得岀有微微既酒香，睇落滑身，但實則唔係，反而爽口既口感食落都不錯~另外呢度既百秒黃花魚($69) 都好岀名。魚蒸得好滑，有鮮甜既咸味，用黎佐飯佐麵一樣得。但要小心黃花魚啲刺，好幼身，要慢慢食~最後興化炒米粉，係最正宗既福建菜。米粉好幼身，食一細啖都會覺得成個口都係米粉，所以覺得有啲乾米粉食落比較香，香而不脆，味道整體黎講不錯。