影片
更多
2018-09-18
55 浏览
講到福建菜就諗起莆田，香港比較少有餐廳專做福建菜，今晚媽媽想食就同佢去咗尖沙咀分店美麗華二期食。原來依家係莆田嘅紅菇節，有張餐牌係專用紅菇來做菜色，聽店員嘅推薦下就點咗個紅菇燜豆皮($188)用紅菇做材料嘅湯底都變成紅紅地色，豆皮果然係莆田嘅招牌，口感嫩滑無比，相對鹽水鹵豆腐就有啲遜色，口感唔係預期嘅滑豆腐，而係充滿氣孔帶Q彈口感，食落似百頁豆腐，而且紅菇燜得唔夠淋，湯頭太少搞到啲材料有啲乾！蝦苗拌頭水紫菜($52)呢個係我係莆田最鍾意食嘅菜式，佢嗰陣醋味超開胃，仲有蝦苗增加口感，真係超好食！百秒黃花魚($69)黃花魚係我最愛嘅魚之一，平時食開街市嘅都係大條嘅養魚，呢條細細條，魚肉質感較實，明顯係比較貴價嘅海魚！魚皮煙韌充滿膠原，一夾就可以成塊皮起左，一塊魚鱗都無，當然要食埋！佢呢個連湯都熬都好鮮甜，原汁原味帶點咸香！莆田滷麵($82)呢個有別於我平時食開嘅滷麵，芡汁較多，但感覺應該唔算係芡汁，因為佢未去到芡汁咁杰，又未去到湯咁稀，不過味道係超正嘅，咸香惹味，仲有炸蒜香！麵條唔係平時嘅油麵，食落唔會淋pat pat，有口感，份量唔算夠多，自己食一碗都仲得～酥炒芋芯($89)呢個又係超正
原來依家係莆田嘅紅菇節，有張餐牌係專用紅菇來做菜色，聽店員嘅推薦下就點咗個紅菇燜豆皮($188)
用紅菇做材料嘅湯底都變成紅紅地色，豆皮果然係莆田嘅招牌，口感嫩滑無比，相對鹽水鹵豆腐就有啲遜色，口感唔係預期嘅滑豆腐，而係充滿氣孔帶Q彈口感，食落似百頁豆腐，而且紅菇燜得唔夠淋，湯頭太少搞到啲材料有啲乾！
蝦苗拌頭水紫菜($52)
呢個係我係莆田最鍾意食嘅菜式，佢嗰陣醋味超開胃，仲有蝦苗增加口感，真係超好食！
百秒黃花魚($69)
黃花魚係我最愛嘅魚之一，平時食開街市嘅都係大條嘅養魚，呢條細細條，魚肉質感較實，明顯係比較貴價嘅海魚！魚皮煙韌充滿膠原，一夾就可以成塊皮起左，一塊魚鱗都無，當然要食埋！佢呢個連湯都熬都好鮮甜，原汁原味帶點咸香！
莆田滷麵($82)
呢個有別於我平時食開嘅滷麵，芡汁較多，但感覺應該唔算係芡汁，因為佢未去到芡汁咁杰，又未去到湯咁稀，不過味道係超正嘅，咸香惹味，仲有炸蒜香！麵條唔係平時嘅油麵，食落唔會淋pat pat，有口感，份量唔算夠多，自己食一碗都仲得～
酥炒芋芯($89)
呢個又係超正，係反沙芋嘅感覺！芋頭應該係蒸完再用砂糖炒，外酥脆內粉，外甜內香！口感好似焦糖面，無炸過一啲都唔覺油膩，而且芋頭係揀中間最粉嘅位置，所以叫芋芯，外層嘅砂糖份量啱啱好，唔會過甜。有成15舊，芋頭控唔可以錯過！
张贴
