話說其實蕃薯妹恨咗食佢哋嘅「鐵板鹽焗蟶」好耐～ 之但係就成日撞唔啱季節去食😅 恨咗幾年終於揀啱季節嚟喇🥳🥳
大約5月至7月份都係莆田哆頭蟶嘅旺季，由即日起至7月31號，去《莆田》任何分店都可以品嚐蟶子菜式‼️
============ヽ(○´∀`)ﾉ♪
💁🏻♀️9款蟶子菜式，任選2款$219
最抵食就一定係揀兩款，份量無變但係只需要$219，單點每款都要$129起㗎🥳
鐵板鹽焗蟶 ⭐️推薦🫶🏻細細隻嘅蟶子仔整齊排列，隨鐵板上檯，
鹽焗風味令蟶子仔更鮮甜，入面嘅水份都仲保留倒，難怪成為連續6年銷量冠軍🏆
必試推薦！
蒜蓉蒸海蟶蒜蓉蒸任何海鮮都係最經典而又最能帶出海鮮鮮味嘅烹調方法😋 所以另一款我哋揀咗蒜蓉蒸～ 濃郁嘅蒜蓉鋪滿喺蟶子上面，好惹味。
============ヽ(○´∀`)ﾉ♪
冰浸苦瓜 $58 ⭐️推薦🫶🏻每次都一定要食🤤苦瓜刨成薄片，冰浸後非常爽脆，蘸上蜂蜜食，又甘苦又清甜。
百秒黃花魚 $78 ⭐️推薦🫶🏻據說呢個煮法係只用100秒蒸熟黃花魚，魚肉鮮甜而且超級嫩滑，一啲都唔腥🤤 湯汁亦非常清甜，嗜魚嘅朋友一定要試。
莆田扁肉湯 $32 ⭐️推薦🫶🏻另一必食莆田家鄉菜🤩紫菜清湯配搭扁肉，扁肉口感好似魚皮餃，比較特別嘅係佢從皮到餡料都係肉做，一啖一粒。
福建特色海蠣煎 $128福建家鄉菜蠔仔煎餅，好足料好多蠔仔👍🏻
辣汁花蛤 $98/例Order咗例牌但係份量一啲都唔少！辣汁屬bb辣，有少少帶甜，都幾惹味😋 人多嘅話可以叫$146/中份。
============ヽ(○´∀`)ﾉ♪
2個人食人均消費大概$300就嘆倒咁多美食🤭 抵食！一定要襯7月31號前再去食多一次🤤
