影片
更多
2020-02-03
1022 浏览
今日返半晝，下午去咗 D2 Place 一期食晏。於各層巡了一圈，喺一樓搵到呢間「Pickabowl」，原來間餐廳只係開咗大約兩個月，主打 Hawaiian Poke。其實 Poke 是夏威夷語，意思是切成細細粒。而當地人會將新鮮魚生弄成小顆後，加入醬汁醃製，配上沙律菜或飯一同進食。唔使飛去夏威夷都可以食到夏威夷魚生飯，一於試下。店舖地方不大，但由於來到時已經過咗午市繁忙時間，所以入面都有不少座位可供選擇，客人可以揀堂食或者外賣。先看看門外餐牌，原來佢哋嘅碗飯是以醬汁分類，而且選擇都幾多，有和風、彩虹、蛋黃醬、 檸檬、泡菜等，而且還可以揀配海苔飯、半糙米飯、沙律或沾烏冬做底，另外仲可以追加配料、小食同飲品等。餐廳採自助形式，客人要先去櫃位購票，等店員弄好後，再自己外出取餐。我哋揀咗夏威夷四重奏配海苔飯同薑汁松阪豬配半糙米飯，另外再加咗兩支健康飲品。點完餐後店員就會即席製作，見到服務員全程都有戴口罩同手套，非常注重衛生，令人吃得的安心。Giant’s Bowl 夏威夷四重奏配海苔飯 ($106)，碗飯的用料真係非常豐富，飯面放滿五顏六色的食材，色彩繽紛，除了有辣味三文魚、經典吞拿魚、泰式
今日返半晝，下午去咗 D2 Place 一期食晏。於各層巡了一圈，喺一樓搵到呢間「Pickabowl」，原來間餐廳只係開咗大約兩個月，主打 Hawaiian Poke。
其實 Poke 是夏威夷語，意思是切成細細粒。而當地人會將新鮮魚生弄成小顆後，加入醬汁醃製，配上沙律菜或飯一同進食。唔使飛去夏威夷都可以食到夏威夷魚生飯，一於試下。
店舖地方不大，但由於來到時已經過咗午市繁忙時間，所以入面都有不少座位可供選擇，客人可以揀堂食或者外賣。
先看看門外餐牌，原來佢哋嘅碗飯是以醬汁分類，而且選擇都幾多，有和風、彩虹、蛋黃醬、 檸檬、泡菜等，而且還可以揀配海苔飯、半糙米飯、沙律或沾烏冬做底，另外仲可以追加配料、小食同飲品等。
餐廳採自助形式，客人要先去櫃位購票，等店員弄好後，再自己外出取餐。我哋揀咗夏威夷四重奏配海苔飯同薑汁松阪豬配半糙米飯，另外再加咗兩支健康飲品。
點完餐後店員就會即席製作，見到服務員全程都有戴口罩同手套，非常注重衛生，令人吃得的安心。
Giant’s Bowl 夏威夷四重奏配海苔飯 ($106)，碗飯的用料真係非常豐富，飯面放滿五顏六色的食材，色彩繽紛，除了有辣味三文魚、經典吞拿魚、泰式酸辣大蝦同牛油果之外，仲有菠蘿、洋蔥、紫洋蔥、蕃茄、青瓜同甜椒，配自家製醬油。三文魚味道唔錯，辣中帶點清新，而且入口不會太膩。牛油果味道香濃，與吞拿魚刺身十分夾配。
至於另一碗 Lazy Ginger 薑汁松阪豬配半糙米飯 ($70) 用料亦絕不欺場，豬肉的口感唔錯，食落爽身又有油脂，肉質柔韌帶有脆度，入口鮮甜細膩。配料下得非常慷慨，有菠蘿、烤南瓜、玉子燒、炸豆腐、四季豆、毛豆、紫洋蔥、秋葵、中華沙律，同樣配上自家製醬油，mix 埋底層的米飯一齊食，既入味又濃郁。
飲品點咗兩款鮮榨果汁，綠色嗰支係蘋果菠蘿石榴羽衣甘藍汁 ($22) 而紅色嗰支就係蘋果紅菜頭檸檬西柚汁 ($22)。羽衣甘藍和紅菜頭這類超級食物，雖營養豐富，但味道卻不是人人都能接受，不過由於呢兩支蔬果汁製作時加入了多款水果來蓋過草青味，所以飲落甜甜地，都幾滑身，味道很不錯，有益又健康。
张贴
