鵜舞

营业中

休息中

有朋友又約咗嚟食串燒做晚餐，上次食完有時都會掛住想再過嚟食，所以再過咗嚟。平日嘅夜晚，似乎呢度唔受市況嘅影響，繼續非常多人。人人都叫嘅鵜舞沙律，好似係每一枱都叫，我幾鍾意佢嘅Combination，。鰻魚玉子燒，個玉子燒超多汁，仲要有好豐滿嘅鰻魚肉。送酒可以食靜岡沙甸魚苗薄脆，無諗過都好脆而又幾好食。鵜舞卷同鮪魚中卷，各有喜好，我個人愛鮪魚中卷，赤身嘅味道好濃。炭火燒日本鳗魚串，同頭先嗰個玉子燒一樣，燒鰻魚同樣非常之搶鏡。照燒阿波尾雞髀肉，食雞係鵜舞絕對不會錯的選擇。炭火燒澳洲牛排，有朋友唔食牛，我哋可以食多啲，個牛火喉剛剛好。燒厚揚豆腐，有兩款調味，隨你喜好。野菜天盛，次次都嚟食天婦羅，做得係幾好，炸粉同材料都高級同講究先至做到呢個效果。鵜舞釜飯，有魚籽有帶子同大量嘅海鮮，同平時煮嘅釜飯好唔同，同埋今日食嘅質素應該係咁多次食最好。水信玄餅好到一個地步，我食左兩件半，黑糖唔算太甜。朋友飲乳酪梳打，有啲飲酒，我就飲茶算，不過食物好，飲乜都無所謂啦。