Ulyssa by Aldou (已結業)

今日放工前去左荔枝角個邊開會，收工去D2 place行下，等埋老婆放工去左荔枝角d工商廈揾好野食，而我地就擇左一間好用心制作既餐廳，每一道食物都好有水準，唔只味覺享受，視覺上都攞滿分，可以話係一間性價比高既fine dining，值得推介。我地order左一個二人晚餐，頭盆有四樣選擇，我地簡左“北海道刺身牡丹蝦”，牡丹蝦新鮮，味道鮮甜，配埋芥茉檸檬汁，令食欲大增，作為頭盆非常合適。跟住就係忌廉菜湯，菜湯口感濃郁，好有質感；而pasta同主菜地點左“巴馬火腿”同埋“慢煮豬鞍架”；意粉彈牙，巴馬火腿帶微咸香，慢煮豬鞍架睇落偏瘦，但原來慢煮令到豬鞍架好冧，配埋紫椰菜同薯蓉簡直酒店級水準。最後我地甜品食左cheese cake同焦糖cake，甜品精緻；總括每一道菜式都好似藝術品，睇得出廚師既用心同功力。