棋哥燒鵝 (已結業)

燒鵝除咗鏞記、深井燒鵝之外，近呢一兩年棋哥燒鵝都彈起咗，分店仲遍布九龍、港島。話說我第一次接觸棋哥燒鵝係因為公司嘅聖誕節聚餐中老細訂咗棋哥燒鵝。就係因為咁我有幸試到棋哥燒鵝，更加令我一試難忘。而令我印象深刻嘅係佢燒鵝表皮層獨有嘅煙燻味，真係好特別。後來上網查過後，發覺原來係用荔枝柴燒出嚟嘅效果。今日同男朋友係尖沙咀The one 睇完戲之後發覺隔離開咗間棋哥燒鵝，所以我就提議晚餐去再食佢個燒鵝😜餐廳廚窗掛上一隻隻燒鵝，見到都流晒口水🤤淨係睇鵝頭嘅數量就知道戰績彪炳😝睇咗陣餐牌就决定叫個二人套餐食唔洗煩，有我想食嘅燒鵝仲可以揀多樣燒味又包油菜、白飯同湯。如果你唔鐘意食白飯仲可以轉瀨粉或者米粉都得。首先上嘅係老火湯—粉葛赤小豆豬骨湯😍清熱去濕岩晒我。佢個例湯一啲都唔馬虎，好足料，味道濃郁！燒鵝保持水準，肉質嫩滑，燒鵝表皮淡淡荔枝柴煙燻嘅香氣。😋平時我食燒鵝好鐘意點酸梅醬一齊食，但棋哥嘅燒鵝我原全唔想點酸梅醬。建議大家都試下唔點酸梅醬食，欣賞下果陣獨特嘅煙燻味❤️第二樣嘅燒味例牌我地嗌咗叉燒。🥩叉燒肥瘦均勻，入口唔肥膩，肉質冧身而且玫瑰露酒味非常出。🥬油菜翠綠，灼得唔會過內，咬落爽脆。