影片
更多
2023-05-10
30 浏览
越男仔 (荃灣)📇地址：荃灣大壩街75號🕐營業時間：星期一至日11:30-23:00 💸人均消費：～$120/人 (dinner)👏🏻抵讚位：第一次去食，店員好nice咁介紹餐牌俾我地知要點樣叫野食同埋佢地有咩招牌菜，值得欣賞🤩 中間有段小插曲就係我唔小心打瀉水，店員除左好好人咁幫我哋清理枱面之外，仲叫我哋唔使理，佢哋會幫我哋搞掂，我哋負責食嘢就得。呢個舉動令我覺得佢真係好貼心😍 之前覺得佢鋪頭仔細細，座位間格喺門口望入口以為會坐得好逼，但入到去又唔會覺得坐到同隔離枱貼住哂，格間唔錯🍴Food QC：「招牌去骨海南雞飯 配黃薑飯 $92」黃薑飯算係少油，好香黃薑粉味。海南雞肉質滑溜，唔會話好多肥膏，連皮食一兩舊都唔會話好有罪惡感。雞嘅份量都唔算少，一碟有7-8舊雞，$92仲要配一個免費嘅小食，小食嘅份量仲要都好多，算係好抵食🤭 因為同朋友一人叫左一個海南雞飯，所以送左兩個小食，我地每款都叫左，試勻哂🤣「牙車快沙律配椒鹽脆蛋魚柳」沙律就正常發揮，脆蛋魚柳炸成一條條，入口嘅感覺好特別。佢嘅外表似人哋嘅銀魚仔，但入口又真係一條條嘅魚肉😙「無骨鳳爪沙律配手撕雞檬紙卷」朋友話呢個沙律汁比牙車快沙
📇地址：荃灣大壩街75號
🕐營業時間：星期一至日11:30-23:00
💸人均消費：～$120/人 (dinner)
👏🏻抵讚位：第一次去食，店員好nice咁介紹餐牌俾我地知要點樣叫野食同埋佢地有咩招牌菜，值得欣賞🤩 中間有段小插曲就係我唔小心打瀉水，店員除左好好人咁幫我哋清理枱面之外，仲叫我哋唔使理，佢哋會幫我哋搞掂，我哋負責食嘢就得。呢個舉動令我覺得佢真係好貼心😍 之前覺得佢鋪頭仔細細，座位間格喺門口望入口以為會坐得好逼，但入到去又唔會覺得坐到同隔離枱貼住哂，格間唔錯
🍴Food QC：
「招牌去骨海南雞飯 配黃薑飯 $92」
黃薑飯算係少油，好香黃薑粉味。海南雞肉質滑溜，唔會話好多肥膏，連皮食一兩舊都唔會話好有罪惡感。雞嘅份量都唔算少，一碟有7-8舊雞，$92仲要配一個免費嘅小食，小食嘅份量仲要都好多，算係好抵食🤭
因為同朋友一人叫左一個海南雞飯，所以送左兩個小食，我地每款都叫左，試勻哂🤣
「牙車快沙律配椒鹽脆蛋魚柳」
沙律就正常發揮，脆蛋魚柳炸成一條條，入口嘅感覺好特別。佢嘅外表似人哋嘅銀魚仔，但入口又真係一條條嘅魚肉😙
「無骨鳳爪沙律配手撕雞檬紙卷」
朋友話呢個沙律汁比牙車快沙律好食，可能多左種咸香嘅味道😆無骨鳳爪比較特別在於佢唔係平時食嘅泰式鳳爪個隻嘅顏色，係酒樓點心個種鳳爪嘅顏色，但係係泰式無骨鳳爪嘅味道🤣
「冰鎮蜜糖凍蕃茄 跟餐價$33」
真係原個喺雪櫃拎出黎嘅凍冰冰蕃落，硬到用刀都爭啲切唔到😂 因為雪硬咗所以同平時熱食嘅蕃茄好唔同，加左蜜糖甜甜的，口感同埋感覺都好新鮮😙
😯有待改善位：暫時未覺得有
😼私心回應區：越南仔喺荃灣都開咗一段時間，但一直都未去試過，因為覺得入面嘅格間望落好迫，應該會坐得好辛苦。我哋呢次係八點左右先去食，加上又係平日又冇乜人，算係食得幾happy。今次去完之後發現原來係一間可以再encore嘅餐廳😎
张贴
