HIKARI

今日喺荃灣經過海之戀附近俾一間小眾嘅木系咖啡店吸引住係平日放工時間，餐廳入邊幾乎坐滿人所以就心郁郁入去試下日本櫻花蝦蟹肉蘆筍扁意粉 $128橙紅色嘅日本櫻花蝦鋪滿左成碟意粉嘅表面加上左大量嘅蟹肉，鮮味十足！配上不同嘅菇類，同幼嫩爽脆嘅蘆筍白汁好Creamy, 夠曬掛汁扁意粉質地Al dente, 而且份量好大，絕對夠飽肚！煎封法國油鴨髀牛肝菌意大利飯 $148 鴨油封原來係法國最古老的食物保存方法之一，肉類先經過鹽醃，然後再封存在油內，就可以保存上好幾個月，外皮煎炸後十分鬆脆，而且肉質酥軟味道濃郁，燴意大利飯加入牛肝菌煮成，味道非常香濃！水牛城雞翼$ 68四隻雞翼外皮炸到好鬆脆可口，配上酸酸辣辣嘅醬料，好惹味！凡惠顧主食可以享用飲品減$20嘅優惠聽講呢間Cafe係主打咖啡同埋酒精類飲品所以佢哋嘅咖啡類別非常豐富我就鍾意飲Dirty $45 （-$20）上層微熱嘅Espresso配合埋下層冰凍嘅牛奶，雙重口感，冰火交融！Espresso嘅油脂睇落去有啲污糟，所以Dirty又叫做髒髒咖啡！