小廚美食

一間位於荃昌中心嘅家庭式小食店，佢呢度淨係買嗰啲小食同埋飲品，今次因為上網睇到有YouTubeer介紹過佢，話呢度嘅燒賣係荃灣最好食嘅，咁我當然要過嚟試一試佢啦！
-
佢位置十分偏僻啊，若果唔係太熟荃灣嘅話都有啲難搵，而我成日經過，但係冇留意到呢個位置！

1

藥膳燒賣

$12

1

魚肉燒賣

$10

今次我就試咗佢兩款燒賣，一款係普通魚肉燒賣（10/7粒），而另一款就係藥膳燒賣（12/4粒）。
-
魚肉燒賣非常之有口感，食落去煙煙韌韌，同出邊嘅有少少唔同，而你話魚味嘅話我又唔係話覺得太重，反而配合埋佢嘅辣椒油係超級好食，辣椒油有少少辣，但麻香味比較重。你都可以係到買佢哋嘅秘製辣椒油！
記得一定要配合埋佢哋嘅辣椒油！
-
另外藥膳燒賣，有淡淡的藥材味，如果你配合埋佢哋嘅秘製辣椒油嘅話，一定會更加好食😋
呢一間嘅燒賣真係要推薦比大家！