Fleur (南豐紗廠)

营业中

休息中

Item: Fleur (南豐紗廠)
Rating: 4
Author: ChuChuCheung

294 食记

味道

环境

服务

卫生

抵食

13698

荃湾

$101-200

澳洲菜西式 All Day Breakfast 少盐少糖食店

208

资讯:
餐厅:	Fleur (南豐紗廠)

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

ChuChuCheung

等级4

178

上次去南豐紗廠食韓式Cafe，今次就講下入面嘅澳紐式Cafe（不知不覺變咗南豐紗廠嘅Promoter😇）~ 有去過澳紐嘅朋友都知，當地人好興喺食物上加入新鮮食用花，今次我試呢間Fleur HK，主打唔同嘅brunch set～入面餐點均會加入大量花朵！食物賣相好靚之餘，花含豐富纖維及營養，亦對身體好好。😙 據店員講，佢哋會定期更換Menu，會因應時令去設計菜餚，令大家嚟食常有唔同驚喜～今次我就喺店員推介下，揀咗Meat Lover（鹿兒島豬扒竹碳包）、Yogurt Lover（加配薯蓉）、Mango Clitoria同Lemonade。當Meat Lover端上嚟時，第一下真係比佢嚇親😳會唔會太巨型了？！成個三文治，大塊過我塊面喎！我用雙手，先剛好攞得起一舊，真係120蚊絕對唔貴！另外，不得不讚佢哋塊鹿兒島豬扒真係堅足料又正！一啖咬落去，好酥脆，肉汁滿滿，食完有種幸福嘅感受！聽店員講，喺三文治入面，加咗隻泰式「是拉差」辣醬，微微香辣口感，惹味得嚟又中和到豬扒嘅油膩感，整體味道都好好。 Yogurt Lover好靚，七彩繽紛，睇見都開胃～至於Yogurt Lover

23 浏览

0 赞好

0 留言

據店員講，佢哋會定期更換Menu，會因應時令去設計菜餚，令大家嚟食常有唔同驚喜～今次我就喺店員推介下，揀咗Meat Lover（鹿兒島豬扒竹碳包）、Yogurt Lover（加配薯蓉）、Mango Clitoria同Lemonade。

當Meat Lover端上嚟時，第一下真係比佢嚇親😳會唔會太巨型了？！成個三文治，大塊過我塊面喎！我用雙手，先剛好攞得起一舊，真係120蚊絕對唔貴！另外，不得不讚佢哋塊鹿兒島豬扒真係堅足料又正！一啖咬落去，好酥脆，肉汁滿滿，食完有種幸福嘅感受！
聽店員講，喺三文治入面，加咗隻泰式「是拉差」辣醬，微微香辣口感，惹味得嚟又中和到豬扒嘅油膩感，整體味道都好好。

Yogurt Lover好靚，七彩繽紛，睇見都開胃～

至於Yogurt Lover，入面有螺旋藻香蕉乳酪、雜錦燕麥、生果、牛奶餅、椰絲等等，味道酸酸甜甜，用料又豐富，比想像中飽肚！不過如果可再凍啲就好啦，感覺室溫Yogurt怪怪地（我諗唔關影相事）。

左：Lemonade；右：Mango Clitoria

講完主餐，講下佢哋嘅特飲先～我幾鍾意Mango Clitoria，芒果香好重，配上酸甜嘅蝶豆花，幾消暑～不過Lemonade就太酸了😫感覺好似就咁似檸檬汁咁，個人就麻麻地。

除咗Brunch set，Fleur都自家製多款得意甜品～而我今次order嘅冷球蛋糕就係其中之一！呢款蛋糕令我聯想起前排Hit爆、梨泰院嘅冷球蛋糕！雖然款式相似，但實屬巧合😆
店員話之所以設計成冷球形狀，係因為佢哋間店開喺南豐紗廠，所以用冷球做主題❤️不過模具確係韓國訂製，原來像真度咁高嘅冷球，係用模具整成😳（我初初真係以為將糖膠整成毛線，再貼喺蛋糕上面...😅）
扯遠咗，講返味道先～呢度嘅冷球蛋糕共有3隻味，分別係米色嘅Tiramisu味，粉紅色嘅士多啤梨mousse同綠色嘅抹茶口味。我今次只係點咗Tiramisu。說實在，蛋糕睇落細件，食上口其實勁飽肚😆Mascarpone Cheese、蘸咖啡酒好濃郁，蛋糕夾層有手指餅，層次豐富，不過蛋糕對我嚟講太甜，食兩啖就有種好滯嘅feel，加上當時我又無order茶解膩，成件事比較 heavy。