雲家小鍋米線 (328廣場)

营业中

休息中

米線關注組經常都會出現呢間喺荃灣嘅雲家小鍋米線，終於有機會過去一試究竟。豬頸肉小窩米線：呢度馳名嘅豬頸肉小窩米線，豬頸肉份量都幾多，加埋燒得好香口，見到都流哂口水，肉汁都好多，唔會話好乾柴嘅口感。而酸辣嘅湯底夠哂惹味，同豬頸肉好夾。豆卜魚腐小窩米線：呢度嘅小窩米線入面嘅配料都幾多款好似有酸菜，芽菜，肉碎同蔥等等，而我呢次就加咗索哂湯汁嘅豆卜同埋彈牙嘅魚腐。涼拌墨魚頭：墨魚頭嘅份量都幾多，同埋佢比嘅蒜蓉都好多，所以蒜味勁濃，如果好似我咁鍾情蒜味嘅朋友就啱哂。而且墨魚頭夠哂爽口彈牙，口感一流。