燒烤堂

营业中

休息中

呢間「燒烤堂」喺荃灣，專食串燒，款式多到揀唔晒，有日式、泰式等等，真係食到停唔到口！🐔雞肉必試鹽燒鮮三黃雞腿肉，肉質嫩滑到不得了！鹽燒雞中翼皮脆肉Juicy，明太子雞腿肉仲有少少辣辣哋，好過癮！🐷豬肉方面，鹽燒豚肉荔枝卷超驚喜，豚肉鹹香夾住爆汁荔枝，甜鹹交織好正！牛油果豚肉卷好新派，牛油果Creamy得嚟又解膩。泰式豬頸肉彈牙厚肉，點埋辣醬仲惹味！🐮牛舌控必食厚切鹽燒牛舌拖羅，厚到呢～爽口彈牙！鹽燒和牛牛小扒牛味濃郁，入口即溶！🦐海鮮最正係紫蘇雞皮蝦，紫蘇香加脆雞皮包住大蝦，蝦肉實淨鮮甜！雞皮墨魚滑超大嚿，咬落去超滿足！🔥上菜快仲有爐仔保溫，唔怕凍晒～最後要食黑糖燒菠蘿，脆糖包住暖菠蘿，冰火口感正到爆！🍻仲有Sapporo生啤買一送一，食串燒點可以唔啤一啤？