影片
更多
2025-07-17
94 浏览
呢日同朋友去咗荃灣嘅「燒烤堂」食串燒🔥雖然位置有啲隱蔽，但係平日都座無虛席，呢度嘅串燒款式多，仲有好多創意配搭，值得一提嘅係佢哋每枱都會比個爐放串燒，咁就唔會吹到凍晒，我哋叫咗好多串燒，以下就精選一啲分享下 😆鹽燒原塊雞皮成塊雞皮燒到脆卜卜，油脂香濃但唔膩，食落似薯片咁脆，邪惡但好滿足！😈中切鹽燒牛舌芯牛舌芯厚薄適中，燒得剛剛好，彈牙得嚟唔會韌，簡單鹽燒已經可以帶出肉香🐮汁燒三黃雞氣管雞氣管口感超爽脆，汁燒醬汁甜甜哋，啱晒送酒🍻鹽燒赤雞頸肉雞頸肉爽滑有咬口，油脂分布均勻，係驚喜之選🐔浜燒日本活北寄貝北寄貝新鮮彈牙，簡單用味醂同醬油燒已經好鮮甜，原汁原味😌孜然豚肉莞茜卷豚肉卷住大量莞茜，孜然味好突出，香口得嚟又解膩，芫荽控必點！😝燒芝士年糕年糕外皮燒到微脆，入面軟糯，仲有流心芝士，特別之處係個杯下面仲有海量嘅芝士醬，好邪惡🧀明太子燒飯團飯團外層焦香，外層舖滿明太子醬，仲貼心地將紫菜分開上，可以食嘅時候先拆開包裝，咁就唔怕淋晒😎尖椒皮蛋燒豆皮豆皮包住皮蛋同尖椒，味道濃郁又有少少辣，好有層次，鍾意皮蛋嘅必試🌶️和牛棒（配松露一口飯）和牛棒好似漢堡排咁，松露飯香氣撲鼻，加埋香甜就醬汁同芝士碎一齊
鹽燒原塊雞皮
成塊雞皮燒到脆卜卜，油脂香濃但唔膩，食落似薯片咁脆，邪惡但好滿足！😈
中切鹽燒牛舌芯
牛舌芯厚薄適中，燒得剛剛好，彈牙得嚟唔會韌，簡單鹽燒已經可以帶出肉香🐮
汁燒三黃雞氣管
雞氣管口感超爽脆，汁燒醬汁甜甜哋，啱晒送酒🍻
鹽燒赤雞頸肉
雞頸肉爽滑有咬口，油脂分布均勻，係驚喜之選🐔
浜燒日本活北寄貝
北寄貝新鮮彈牙，簡單用味醂同醬油燒已經好鮮甜，原汁原味😌
孜然豚肉莞茜卷
豚肉卷住大量莞茜，孜然味好突出，香口得嚟又解膩，芫荽控必點！😝
燒芝士年糕
年糕外皮燒到微脆，入面軟糯，仲有流心芝士，特別之處係個杯下面仲有海量嘅芝士醬，好邪惡🧀
明太子燒飯團
飯團外層焦香，外層舖滿明太子醬，仲貼心地將紫菜分開上，可以食嘅時候先拆開包裝，咁就唔怕淋晒😎
尖椒皮蛋燒豆皮
豆皮包住皮蛋同尖椒，味道濃郁又有少少辣，好有層次，鍾意皮蛋嘅必試🌶️
和牛棒（配松露一口飯）
和牛棒好似漢堡排咁，松露飯香氣撲鼻，加埋香甜就醬汁同芝士碎一齊食，絕對係高級享受🤩
蒜香牛油酒煮蜆
比較西式嘅做法，蜆肉鮮甜，蒜香濃郁，仲連埋兩塊蒜蓉包，可以點埋啲湯汁食😙
汁燒免治雞肉軟母棒（付月見）
免治雞肉棒入面有好多雞軟骨粒粒，點埋月見汁（生蛋黃）更加香濃😋
海苔黑豚肉鵪鶉蛋
黑豚肉包住鵪鶉蛋，面頭仲有海苔碎增加口感🍳
百香果桔仔梳打
味道酸甜清新，好解膩，啱晒送串燒
张贴
