牛の鍋日本料理

营业中

休息中

牛鍋位置容易搵到，沿扶手電梯上去就到餐廳，地理位置十分方便。而且悅來坊商場商店繁多，在等待的時間亦可以購物，不會讓人覺得悶。入左餐廳之後，服務員帶了我們去卡位坐，環境十分整淨，不會讓人感到太緊迫。豉油碟及菜類需要自己攞，處於餐廳的中心，拿配菜時亦很方便，旁邊亦有兩個飲品櫃，飲品種類亦多，果汁汽水更有免費啤酒。配菜既種類繁多，番茄粟米等多款蔬菜，包羅萬有。落單之後，8分鐘就將食物送到，速度亦好快，而且店員既服務態度良好，令客人賓至如歸。而在落單既野食方面，餐廳採用唔同類別唔同紙張的方法，可以更容易找到想要既野食。在湯底方面，我揀左壽喜燒同麻辣湯底，壽喜燒十分美味，湯底清甜爽口，配上美國極上牛肉更顯出醬汁既濃郁。但係麻辣湯底的味道唔夠濃郁，而且唔夠辣，令人有小小失望，希望可以改進。在天婦羅方面，我推薦大家嘗試榴蓮炸彈，外皮炸得脆卜卜，榴蓮十分鮮甜，讓人一試難忘。另外推薦蕃薯天婦羅，甜而不膩，係開胃小食之一。推薦一家大細去試！