影片
更多
2023-02-07
602 浏览
鳥山名 Toriyamana📍荃灣青山公路荃灣段398號愉景新城1樓1025-1026號舖呢日約咗朋友睇戲，喺睇戲之前我哋趕到2點去呢間出名性價比高嘅日本餐廳食午餐。店員安排咗我哋坐喺扶手電梯旁嘅座位，雖然坐唔到內面嘅位置，但坐外面食都唔錯，唔會太迫。溫馨提示一下大家，午市佢哋做到3點清楚，2點半就會截單，如果想食午餐就記得睇返時間啦！ 💰$118午市定食 🍱呢個午市定食非常抵食，因為佢除咗有一碗大烏冬，另外仲配有兩碗細飯，我同朋友兩份share嚟食啱啱好！而且佢仲有齊前菜、甜品同茶碗蒸，加熱飲又唔洗額外加錢，性價比好高！松葉蟹肉蟹膏飯 🦀🍚蟹肉量多，蟹膏唔腥，好送飯！鮭魚漬飯 🐟🍚鮭魚醃得好入味，烤得好香脆，加埋飯素漬飯，夠飽肚。醬油漬牛舌稻庭烏冬 🐄🍜我平時鍾意食蛋麵多個烏冬，但稻庭烏冬係少有我鍾意嘅烏冬，因為佢比較幼身，無咁彈牙。因為我唔食牛，所以朋友食晒啲牛舌，佢話切簿片嘅牛舌味道唔算好濃，但口感好嫩。沙律 🥗沙律夠晒清新開胃！前菜 🍽️ 前菜係調咪調得好好嘅海蜇，就咁食定送飯都好正！茶碗蒸🥚蛋滑唔老，而且好足料，推！甜品🍡至於甜品就係抹茶蕨餅一件，朋友話抹茶味足！我哋仲叫咗季節
📍荃灣青山公路荃灣段398號愉景新城1樓1025-1026號舖
呢日約咗朋友睇戲，喺睇戲之前我哋趕到2點去呢間出名性價比高嘅日本餐廳食午餐。店員安排咗我哋坐喺扶手電梯旁嘅座位，雖然坐唔到內面嘅位置，但坐外面食都唔錯，唔會太迫。溫馨提示一下大家，午市佢哋做到3點清楚，2點半就會截單，如果想食午餐就記得睇返時間啦！
[價錢 Price]
💰$118
午市定食 🍱
呢個午市定食非常抵食，因為佢除咗有一碗大烏冬，另外仲配有兩碗細飯，我同朋友兩份share嚟食啱啱好！而且佢仲有齊前菜、甜品同茶碗蒸，加熱飲又唔洗額外加錢，性價比好高！
松葉蟹肉蟹膏飯 🦀🍚
蟹肉量多，蟹膏唔腥，好送飯！
鮭魚漬飯 🐟🍚
鮭魚醃得好入味，烤得好香脆，加埋飯素漬飯，夠飽肚。
醬油漬牛舌稻庭烏冬 🐄🍜
我平時鍾意食蛋麵多個烏冬，但稻庭烏冬係少有我鍾意嘅烏冬，因為佢比較幼身，無咁彈牙。因為我唔食牛，所以朋友食晒啲牛舌，佢話切簿片嘅牛舌味道唔算好濃，但口感好嫩。
沙律 🥗
沙律夠晒清新開胃！
前菜 🍽️
前菜係調咪調得好好嘅海蜇，就咁食定送飯都好正！
茶碗蒸🥚
蛋滑唔老，而且好足料，推！
甜品🍡
至於甜品就係抹茶蕨餅一件，朋友話抹茶味足！
我哋仲叫咗季節推介餐牌上嘅壽司同飲品，因為佢一上枱就全部擺晒一齊，所以我都唔肯定邊款就知係邊款，所以下面我就淨係列出佢哋嘅價錢啦。總括而言，每款壽司都鮮味十足，無一款係有腥味，佢嘅壽司飯，唔算太大嚿，但魚就好大塊，所以計落其實都幾抵食㗎 ！個人最推介就一定係海鰻壽司，而其次就係見可愛的鯖魚壽司啦！
[價錢 Price]
💰$38
海鰻壽司 🍣
[價錢 Price]
💰$28
可愛的鯖魚壽司 🍣
[價錢 Price]
💰$32
地金目鯛壽司 🍣
[價錢 Price]
💰$28
石坦鯛壽司 🍣
[價錢 Price]
💰$28
沙丁魚壽司 🍣
[價錢 Price]
💰$32
Oreo冰冰樂 🥤
最後就係呢一杯Oreo冰冰樂，唔好以為佢係Oreo就會好甜呀，其實甜度適中，碎沙狀嘅冰粒好好咬，夏天飲一定消暑又解渴！
张贴
