影片
更多
2024-01-14
42 浏览
呢間泰國餐廳新開左幾個月，新開個陣一直想去，但因為經常要排隊等位，所以遲遲未去，早幾日平日系荃灣廣場買完野，經過見到無人排隊，終於有機會試下系咪真系禁好食！班蘭生椰 $39貌相幾吸引，而且幾大杯，用左生椰，即系椰子肉打碎之後加水，另外加左班蘭醬、西米同奶油。飲落明顯飲得出有椰子水既清甜味，另外有班蘭香味，不過奶油質感傑左啲，1個人飲會比較heavy，建議2個人share飲比較好。米網蝦春卷 $58脆炸米網包住原隻蝦，仲露左條蝦尾出嚟，連蝦尾都食得！炭燒牛肉串 $54牛肉串最少叫3條，份量吾算多但以價錢黎睇都成正比。牛肉肉質ok易咬，吾會燒到鞋，炭燒味就吾太食得出，但有沙爹香味。泰國D24榴槤酥球 $48朋友鐘意食榴槤，所以指明要叫呢個炸榴槤球，雖然我吾鐘意食，但見到佢食到好滿足，應該對愛榴槤人士黎講幾吸引。榴槤球入面有流心榴槤醬，朋友話味道幾香濃。烤金菠蘿虎蝦蟹肉炒飯 $138一大條烤菠蘿放系炒飯旁，食落幾多汁，菠蘿都幾甜。炒飯有1隻虎蝦、4隻大蝦仁、蟹肉碎、肉鬆同菠蘿粒，食落甜甜地幾開胃。秘製黑醬油無骨豬手 $138成隻豬手已經起左骨，方便進食。豬手肉質幾嫩，本身已經醃左味，配黑醬油
班蘭生椰 $39
貌相幾吸引，而且幾大杯，用左生椰，即系椰子肉打碎之後加水，另外加左班蘭醬、西米同奶油。飲落明顯飲得出有椰子水既清甜味，另外有班蘭香味，不過奶油質感傑左啲，1個人飲會比較heavy，建議2個人share飲比較好。
米網蝦春卷 $58
脆炸米網包住原隻蝦，仲露左條蝦尾出嚟，連蝦尾都食得！
炭燒牛肉串 $54
牛肉串最少叫3條，份量吾算多但以價錢黎睇都成正比。牛肉肉質ok易咬，吾會燒到鞋，炭燒味就吾太食得出，但有沙爹香味。
泰國D24榴槤酥球 $48
朋友鐘意食榴槤，所以指明要叫呢個炸榴槤球，雖然我吾鐘意食，但見到佢食到好滿足，應該對愛榴槤人士黎講幾吸引。
榴槤球入面有流心榴槤醬，朋友話味道幾香濃。
烤金菠蘿虎蝦蟹肉炒飯 $138
一大條烤菠蘿放系炒飯旁，食落幾多汁，菠蘿都幾甜。炒飯有1隻虎蝦、4隻大蝦仁、蟹肉碎、肉鬆同菠蘿粒，食落甜甜地幾開胃。
秘製黑醬油無骨豬手 $138
成隻豬手已經起左骨，方便進食。豬手肉質幾嫩，本身已經醃左味，配黑醬油汁，味道會變得更濃，帶少少咸同甜味，建議吾需要點太多。
芒果糯米飯雪糕 $32
由於有好多甜品選擇，心思思都想叫一款，揀左杯幾特別既泰式雪糕。芒果糯米飯雪糕有芒果肉粒、芒果醬、糯米飯同牛奶味雪糕。雪糕既牛奶香味好香濃，而且都有2球，價錢都算合理。
餐廳門口有個外賣飲品/雪糕區，有好多貌相吸引既甜品！
张贴
