燒烤堂

营业中

休息中

今晚同朋友去咗荃灣川龍街食串燒，間餐廳叫做燒烤堂，主打多款串燒，有日式、西式、港式乜都有，選擇超多，真係好難揀呀 😆！🍢 串燒部份真係好精彩，上菜速度超快，啱晒啲肚餓人！每次食串燒我都一定會叫牛舌同雞翼，今次都無失望。- 鹽燒雞中翼真係外脆內嫩，咬落去仲好Juicy，香味十足，係我今晚最鍾意嗰串，推介！- 牛舌係呢度嘅招牌之一，有兩款我都試咗： - 中切鹽燒牛舌芯，牛味勁重，鹹香味好突出，好有層次； - 厚切鹽燒牛舌拖羅，咬落去好爽脆，外層微脆內裏彈牙，真係夠晒過癮～—🌀 「手工心機卷物」系列真係想比掌聲👏，創意十足！- 牛油果豚肉卷：外層豚肉煎到香噴噴，入面包住牛油果，Creamy又清新，口感超match；- 鹽燒豚肉荔枝卷：咬落去有淡淡荔枝香，鹹甜交錯，好特別，令人印象深刻！—🧀 小食方面都有好多驚喜：- 蟹肉芝士最中餅：入面勁多蟹肉，食落去滿滿海味，配上芝士真係好邪惡；- 燒芝士年糕：年糕入面有芝士心，外邊再加芝士醬，一啖落去兩重芝士，好邪但超滿足！—🐚 海鮮都唔輸蝕：- 浜燒日本活北寄貝：燒得香口，北寄貝新鮮彈牙，好有口感；- 麻辣墨魚酥：辣得嚟唔搶味，墨魚彈牙，食完一件想