別忘了

营业中

休息中

櫻花樹下台式火鍋，三年無得去旅行，唯有周圍食其他國家餐廳，<別忘了>環境好靚，餐廳內外都有櫻花樹，仲可以寫留言掛上櫻花樹。晚市提供火鍋放題，而且任食甜品同台式小食、台式飲品，絕對係食到捧住個肚走。餐廳門口仲可以買台灣既手信，簡直好似去咗台灣一樣。🍲湯底湯底總共有九款，今次揀咗<台灣香濃椰子雞湯>和<香濃豬骨湯>，椰子雞湯底十分濃味，好多椰子肉，豬骨湯底略為比較咸。🍲 Set C美國SRF封門柳C餐提供6款肉類，分別有美國SRF封門柳、美國安格斯小牛排、日本鹿兒島茶美豚肉片、美國Prime Grade 牛肩胛、精選牛板腱和羊肉卷，肉質軟熟，個人比較喜歡封門柳同小牛排。🍲火鍋配料除咗可以係網上點小食、甜品同飲品，配料區，應有盡有，蔬菜、丸類和豆類都有好多選擇🍲台式飲品身為台式飲品控，今次揀咗水果茶、冬瓜茶、百香果紅茶同珍珠奶綠，水果茶清甜可口，冬瓜茶、珍珠奶綠不過不失。🍲甜品個人最鍾意火龍果雪花冰，打完邊爐再食個雪花冰，爽！雲尼拿雪糕配迷你窩夫同草莓牛奶仙草凍味道都不俗，任食可以一試。