別忘了

营业中

休息中

湯底揀左酒香麻油雞及椰皇雙子煲，麻油雞湯底偏重於麻油味，雞件幾爽滑；椰皇雙子煲嘅椰味都幾鮮甜，配左d椰奶落去，更香濃。M7澳洲牛胸腹牛味香濃，脂肪比例平均，基本上淥10秒以內都熟；牛肉仲有卡樂Beef及牛板鍵你揀，都算幾新鮮；其他肉類都有豬肉及羊肉選擇。配料區有唔同配料例如丸類及菜類等任食，個人極推薦牛柏葉，非常爽口彈牙。小食選擇眾多，你講到嘅台式小食都有，例如台式鴨血、台灣腸、花枝丸、甜不辣等都有，炸物例如榴槤炸彈及鹽酥雞等，都係即叫即炸。台式飲品亦勁多揀，檸檬茶及珍珠奶茶仲用巨大杯裝，絕對夠兩個人飲！清茶、奶茶、冬瓜茶及水果茶等應有盡有，點都有款岩你雪糕及甜品有雪花冰、豆腐花及窩夫等，都幾多款你揀，性價比算係唔錯。場內仲有大大棵櫻花樹，可以寫心願之後掛係樹上，有得食有得玩。