福丸水產 鉄板燒 日本料理 (已結業)

最近荃灣多咗好多新嘅餐廳，其中一間比較特別，我諗算係喺荃灣第一間開既日式濱燒餐廳，由於我係出邊試過好多濱燒餐廳感覺都好滿意，難得有一間喺附近，決定要去試一試上到去地方好闊落，而且裝修得好靚，座位與座位之間嘅空位好多，第一印象不錯我哋一行四人決定叫幾個set試吓，首先嚟咗一份五點刺身，刺身感覺好新鮮，而且賣相都好吸引，特別係油甘魚油香豐富而且香濃，正另外一定要食嘅係黃金蟹膏甲羅燒，一人一隻唔使爭，佢既配料對比其他餐廳算好豐富，而且有齊蟹膏蟹肉同埋蟹子，鮮味十足，特別鍾意個蟹膏撈埋鵪鶉蛋之後，特別軟滑同埋香濃輪到主角方面，濱燒我哋選擇咗帆立貝用牛油煮，帆立貝好大隻而且好新鮮，加埋牛油更能夠突顯佢嘅鮮味，另外要讚一讚佢既大蜆，真係超級鮮味十足，建議大家唔使加任何調味料已經好食到佢嘅鮮味，另外鮑魚肉質好淋而且加埋佢嘅特製醬汁十分惹味，另外生蠔亦都係好新鮮另外其他主食方面我哋選擇左個壽司盛，黎到之後覺得性價比好高，因為價錢唔算貴，而且魚生都好新鮮，正整體感覺呢間餐廳食物質素不錯，希望佢可以保持水準，為呢一區帶黎一啲高質素嘅餐廳