自己人 (荃新天地)

首先要讚嘅係麻婆豆腐小籠包，4件$39抵到笑！外皮蒸得夠鬆軟，咬開嗰下麻辣湯汁勁夠味，同豆腐嘅滑溜好夾，小朋友都話「好過癮」～抱抱蝦餃3件同價，蝦肉大粒又彈牙，咬落滿滿鮮甜，經典點心做到咁有水準好難得。今次仲追加咗花雕醉六月黃蟹，2隻每隻$89，蟹肉飽滿又鮮甜，花雕酒香好濃郁但唔會蓋過蟹味，蟹膏唔少，食落啖啖鮮，大人細路都鐘意！

熱菜方面，潮汕海水炸乳鴿必點！3隻每隻$49，皮脆到「咯咯」聲，肉質Juicy唔柴，蘸埋淮鹽超惹味，屋企人食到停唔到口。酸菜龍躉$149夠晒鑊氣，龍躉肉嫩無骨，酸菜酸得開胃，連湯都想飲多兩啖。鮑魚東坡肉飯$129好足料，東坡肉入口即化，鮑魚彈牙，拌飯食簡直一流！

小食同飲品都有驚喜，百花紫菜酥$89外脆內軟，鮮蝦餡好足；新鮮油柑汁每杯$29，飲落先澀後甜，解膩一流。埋單唔貴，一家人食得好滿足，下次一定再嚟試其他餸！

#荃灣美食 #自己人餐廳 #潮粵菜推薦 #荃新天地食評 #港式點心 #炸乳鴿必食 #花雕醉蟹推介[

IMG:2][

IMG:4][

IMG:6][

:8][

IMG:10][

IMG:2]