田中寿司 (已結業)

天時暑熱，特別想食啲涼快嘅食物，依個時候首選自然會係寿司同刺身。而鮪魚就係我嘅最愛。今晚就同朋友去咗荃新天地一期嘅田中寿司，一嘗鮪魚、滿足一下自己。係食鮪魚之前，先點返個海鮮茶碗蒸。打開蓋咩都無？其實入而好足料㗎，味道唔錯，蛋亦都好滑捋捋。依個大將Tasting Combo，有8款唔同嘅鮪魚。賣相相當精美，當中更有啲比較少機會嘅款式，好似吞拿魚血合、納豆吞拿魚等等。每款都好美味。本鮪三貫寿司盛、可以話係鮪魚寿司必定會出現嘅款式嚟，因為有齊本鮪赤身、中拖羅同大拖羅。田中寿司宜定仲有最新優惠，每點一份本鮪三貫壽司盛即送價值$48嘅生啤一杯。超正！中落鐵火係另一款我好鐘意嘅鮪魚美食嚟。用上大骨旁邊嘅魚肉製成小卷、中落嘅味道特別鮮濃、係我鍾意食嘅部位之一。唔係好夠，可以再加一個吃盡鮪魚之顛。有齊本鮪赤身、中拖羅同大拖羅刺身，年件都成半吋厚切，帶俾你極大嘅滿足感。田中寿司除咗鮪魚，其實仲帶好多唔同嘅食物。我同朋友另外點咗一客和牛他他。蛋液令牛肉滑捋捋，再加埋紅菜頭食，帶返鮮甜同脆嘅口感，非常之有驚喜。