富威海鮮飯店 (已結業)

原本特登渣車去試勝利小廚，但門口勁多人，決定放棄，去咗附近既富威食中菜。裏面有九成檯都滿，好好彩都有張卡位坐。今次點咗三餸一飯，有皇牌貴妃雞（例牌）- 果然係名不虛傳，貴妃雞肥美，肉質嫰滑，點埋薑蓉食簡直一流，例牌份量啱晒兩口子食。滑蛋蝦仁- 蛋炒得滑，有蛋香味，配上大大隻既蝦，令人再三回味。紅燒豆腐- 大碟，豆腐新鮮，味道不錯。侍應服務就一般，不過預咗嫁啦！免茶芥及加一，埋計$156。