November+

营业中

休息中

幾個月前經過大埔店買野飲，可以用優惠價$10加一塊曲奇就試下，點知一試上癮(可惜拖到宜家先寫食評，大埔店已經結業）野飲要左熱薑汁鮮奶茶，味道唔假，而且薑味唔會過搶過辣，奶同薑balance得好好，冬天個陣飲好舒服。 至於曲奇，個人覺得有少少似朱古力味合桃酥，而且成塊都有朱古力粒，大大塊，食起上黎好爽。我見成份好似係無牛油，感覺健康啲。 上環有分店，近返工好方便。 佢正價就$15一塊，當下午茶非常好。 而且佢可以擺落雪櫃，個人覺得雪左再食口感重好啲。 我通常一買就5塊起跳，慢慢食。不過最好打電話上去問下有無現貨，同埋留意營業時間，之前無睇清楚收工之後上去，原來收下午5點摸門釘。有時未必係獨立包裝，要睇店主有無時間，我今次買10塊就用盒裝，橫掂自己食，無所謂重方便左。 之前佢重有一款係加左合桃粒，個人就鐘意齋朱古力粒多啲。