影片
营业时间
今日营业
11:30 - 22:00
星期一至五
11:30 - 22:00
星期六至日
全日休息
公众假期
全日休息
公众假期前夕
全日休息
以上资料只供参考，请与餐厅确认详情
有关奖赏计划
今日同朋友嚟食晚餐，叫咗个青口，超级好食，好重蒜头味，如果钟意食蒜头嘅人会好开心！另外叫咗个麻辣卡邦尼，个味都几特别，有中式麻辣嘅味，冇谂过麻辣同意粉都几夹，几得意。我哋都叫咗个烟三文鱼意粉，唔算好特别，不过呢个都几有蒜头味，几好食。如果我下次再嚟，一定会再叫个青口，因为个汁真系好好食，好惊艳！
继续阅读
放工约了友人食饭，友人推介一间楼上cafe，据闻麻辣卡邦尼意粉好味，平日Lunch好多人，晚上就比较静，趁唔洗OT就试下。平日大约7:00去到，冇乜人，坐坐下开始有人流但唔多。餐厅面积不大，装潢有著小清新之感，白色的墙身，木系设计，绿色植物的布置，暖色灯光，感觉柔和，Relax Feel。餐牌，晚上冇Set要散叫，麻辣卡邦尼意粉必食，再拣多个主菜，2人开心Share。士多啤梨奶奶，$58，沙冰口感绵密，士多啤梨味酸酸甜甜，味道不俗。姜母桂圆茶，$58，友人的。麻辣卡邦尼意粉，$148，卖相不俗，份量适中，意粉烟韧口感creamy，味道浓郁带微微的辣，果然几美味。夏威夷火炙黑毛猪腩卷，$198，见网上几多人推介就试下，卖相摆盘整齐，猪腩卷外皮香脆，肉质松化带焦香，咸香惹味，配上烧菠萝的清甜中和油腻感，杂菌爽脆香口，不俗。食物味道不俗，坐得舒适。
继续阅读
今日放工黎呢间cafe，因为之前黎过系楼上铺，人唔太多又可以慢慢坐低倾下计，窗口位仲望到少少海景🤣今日唔想饮酒，所以黎就叫左呢个strawberry smoothie，足料好味。因为都想坐耐d，所以想慢慢食就叫左生蚝，老板娘推介左两款，都系日本蚝，新鲜好食。主食叫左黑毛猪腩卷，少肥🙈但劲好食，猪肉咬落口系好juicy，夹埋菠萝一齐食就清新d。意粉就叫左一定好食号carbonara，佢整到劲重蛋香，好食。
继续阅读
November + 今日约咗好耐冇见嘅朋友食饭，揾咗好耐终于俾我发现一间可以静静地倾偈嘅楼上餐厅！间舖头喺11楼，成个场都系得6-7张枱，环境清静。因为book咗位嘅关系，餐厅安排咗一张卡位俾我地。望出窗就见到海景，好舒服！店员亦都好友善咁问我哋需唔需要推介，选择困难嘅我哋就听佢哋发办啦。首先嘢饮方面有好多选择，而且唔系出面周街都系𠮶啲cocktail。呢间舖头叫得november +, 朋友就当佢november系招牌所以就叫咗一杯😂佢呢杯系baileys+whisky，饮落去好有层次，如果平时钟意奶盖嘅话就必叫！好有惊喜嘅一杯！而我就因为想饮啲清爽啲，而且十月生日，所以叫左杯October🔥 饮落去极度解渴，而且用料十足，都十分推荐！另外见到厨师推介有生蚝又朋友超级钟意食，所以就每款叫咗两只试吓！🦪店员推荐我哋先食比较鲜甜嘅仙凤趾，再食船渡。朋友大力推荐仙凤趾，有鲜甜口感又十足；我对生蚝冇乜研究，但系两款都觉得几好食🤣主食方面我哋叫咗一个意粉一个猪鞍扒，两样都大推！首先麻辣卡邦尼意粉上枱𠮶阵真系wa咗一声，多烟肉到睇唔到啲意粉咁滞🤣🤣而且唔系𠮶啲得肥膏好薄个啲，系有一定厚度而且肥瘦均匀嘅烟肉🥓 个汁creamy得黎唔会滞，好适合几个朋友叫嚟share👍🏼 朋友唔系好食得辣但系都话好过瘾！最后就系主菜意式香草黑毛斧头猪鞍扒，系朋友pick！劲香嘅香草+蒜味，加上caramelised 嘅洋葱，feel到餐厅对于配菜一啲都唔马虎👍🏼 猪鞍扒熟度啱啱好，亦都完全唔会韧，我地最后完全清碟😂我觉得最推介嘅一样嘢系真系坐得好舒舒服，而且食完饭坐咗一阵都唔会有职员过嚟赶我地。有呢个景观呢啲服务同埋嘢食质素绝对有下次！👍🏼
继续阅读
麻辣 Carbonara 意粉都几得意😊经朋友介绍，try try November. 一听个餐厅名就觉得好有意思。餐厅地方虽然不大但服务态度好好。麻辣意粉几好味，晤太辣，味道几特别。lunch坐满了人还要加台。见到有好多人来打卡，也见到有D退休女士来食意粉。杯粉红色 strawberry 奶奶都几OK。个蘑菇汤算OK啦。成个餐 $108加一。 The spicy sichuan style carbonara was an interesting choice on the menu. It wasn’t too spicy at all. The strawberry drink went well with the spicy pasta. Mushroom soup was okay. This is a place I will revisit.
继续阅读