有您有我火鍋餐廳 (已結業)

期待已久，卒之隆重登場...由見到門口貼出嚟嘅通告，一直到裝修開幕，不斷地等，不斷响太座耳邊講: "希望快D開la"...今日卒之等到佢哋開嘞...急不及待，夜晚馬上就去食dinner...太座間唔中都會去北角總店跟同事食lunch，事先預告咗佢哋係一間比較貴但水準還可以嘅茶記。北角始終唔係日日會去，依家實在方便得多...新開張，手忙腳亂嘅情況一定少不免，但負責人不斷say sorry，食完後又會問下出品嘅質素，已算做唔話得...小菜套餐九十八大洋，有羹有兩餸，再加兩碗靚仔同埋嘢飲，唔算做太貴la。當然比起隔籬偉恆昌、美景街嘅茶記係高消費多D la..始終地點及舖租有別ge...小菜set有十多款選擇，叫咗冰梅骨及沙茶醬花枝西蘭花。冰梅骨新鮮熱辣煑起，用嘅係一字排，肉不算太韌，味道甜甜酸酸，有點像生炒骨及京都骨嘅混合體，送飯最佳之選；西蘭花太大棵，食得唔太方便，可以摘細少少當然好得多；沙茶醬下得不夠；花枝片大大片而且唔韌，可以....見隔籬枱叫嘅炒公仔麵及福建炒飯大大碟，食到要打包ge，好吸引...翌日再跟太座落去食早餐。選擇亦頗多，但水準卻不夠晚飯時候好---- 麵淥得太淰，蛋煎得太