有您有我火鍋餐廳 (已結業)

看見這裏有一個二人套餐，有兩個餸再加一條蒸海上鮮，另有一盅湯及兩個飯，也只是賣一百多元，看上去極度抵吃。一時貪心，怎知就出事了....事實上選擇在這兒開飯也是迫不得已 --- 剛掛起八號波，太座又要在家開teleconference，可以有選擇乎 ?蜜餞芝蔴骨一點蜜味也吃不出，味道極淡也亳不入味，賣相比學生飯堂的還差，太座吃了一二件便停筷了；客家蒸釀荳腐也是如斯水準，豆腐不滑，肉碎欠鹹香，沒有加鹹魚肉當然是致命傷。這個絕對在水準以下.....所謂海上鮮只是蒸烏頭。用豆豉蒸，還可以，但欠缺檸檬，就大大失色了。魚本身屬正常size，當然沒有黃油，魚扣亦然，但在普通茶記吃飯，不可有如此高要求了....但食物水準真的差勁得很，可以永不錄用了....

兩個人食下午茶, 第一次, 亦都唔會有下次!裝修幾好, 座位寬闊, menu印刷精美. 但個瑞士雞翼麵餐真係好唔得, 一啲都唔入味, 又唔夠甜, 只係一隻染咗色嘅雞翼.炸魚柳薯條嘅炸魚柳就真係新鮮炸, 好okay嘅. 但薯條就好唔得, 炸得唔夠透. 真係唔明點解炸魚柳同炸薯條啲水準可以有咁大差別!

去滑水前敵一個大早餐。先接了住在土瓜灣的朋友﹐便到附近來一個Late Breakfast. 以迎接一會兒的Wakeboard.要了奶油豬仔飽配火腿蛋﹐跟沙爹牛肉通粉和凍檸茶少甜。豬仔上檯溫熱﹐配奶油的確不差﹐但腿蛋則不夠熱。沙爹牛肉通一般貨色﹐用以填肚而已。凍茶則因為冷氣強勁而凍上加凍~住在附近的﹐裝修OK﹐ 環境OK﹐ 食物OK﹐價錢OK﹐填肚咪OK囉~當然﹐是一個OK面喇~12點前都有早餐﹐所以抵食上加了分~

土瓜灣新地標翔龍灣內,有間新派茶餐廳"有你有我",英文名叫You me you me,你我你我,九唔搭八.早上吃港式早餐,晚上吃火鍋,下午茶亦有點炒粉麵小吃,中午來,亦有午餐.午餐有好幾味,最平是那些肉餅,生炒骨之客飯.$28一客,最貴是那些王子炒飯,什麼也不包也索價$50.而我這個生炒肉崧飯,包湯包凍飲,多謝$32.餐湯為羅宋湯,一味得個甜,點點辣味也喝不出,生炒肉崧飯才得人驚.由落單到上桌,三分鐘就上.三分鐘炒起碟飯?一看,似是大鑊飯,一大兜炒定,有客叫就即刻上.炒飯內的肉崧少過雜菜,炒到黐埋一舊舊,沒有鑊氣,死氣沉沉,吃落乏而無味,雜菜更未完全解凍,吃落仍有陣雪味.刻薄一點說,仲炒得衰過我.有無搞很錯?在倫敦唐人街,那些呃鬼佬的什麼Mr X的幾鎊放題,也能吃到這般水準的炒飯,不過可加上些"Sweet & sour pork"的汁伴吃,仍然可下肚,而這個生炒肉崧飯,只能夠乾掯.當一個土瓜灣翔龍灣,對住個臭海的七百呎單位都要三幾百萬,當我吃住這碟炒飯,也要付出三十二塊錢.香港一定得.

位於翔龍灣的商場內, 一間新開的火鍋小菜館, 走的是新派格調路線. 以價錢及裝修來說, 相信對象是中產人士, 以配合屋苑的定位. 不過可惜的是, 水準就絕對是中等以下. 無論裝修有多好, 服務有多週到, 對顧客來說始終是食物質素先行, 這家餐廳就做不到了.同老婆兩個人去, 點了一個$98的小菜套餐, 包兩款小菜, 兩碗自選湯羮(或例湯)和兩碗白飯. 首先來的例湯上檯時實在令人側目, 盛載的是小飯碗還不止, 而且只有七成滿, 實在只是三數口的份量, 外出用膳以來印象中沒有見過份量比這更少的例湯. 幸好味道方面不見出色, 只是一般的例水.跟著上場的小菜, 金銀蛋時菜還可以, 味道一般, 不過不失. 不過另外一碟西檸骨又再次令人側目, 乍看還以為是人家吃剩的, 因為碟上只有雜亂的三數件骨頭, 而且賣相甚差. 第一時間通知經理, 幸好經理也明白甚麼一回事, 馬上作出更換. 更換後的像樣得多了, 不過吃下一口還是叫人失望, 肉質太鞋而且太過乾身, 汁芡方面比較淡, 而且沒有檸檬的味道, 比較似酸甜汁. 還有另一失敗之處就是白飯的質素, 又硬又乾, 連白飯都煮得不好, 實在令人失望.整體的印象甚差

出發前一日，正值風神大哥殺到前夕。擔心能否如期出行之際，飯始終還是要吃的...不能走那麼遠，就在這裏攪掂算了。要再回家收拾行裝，跟太太隨隨便便吃些就OK..九十八大洋一個二人餐，有湯有兩餸再加兩碗白飯，茶餐廳來說價錢都算是合理...水準只是一般。例湯只是"師傅"嘅出品，喝了兩口就放低。太座喝的只是粟米羮，那就更無甚興趣去試一口...來個薑葱油炸鬼魚腩煲。通常吃的只是薑葱加魚腩，這裏一向有一些"攪鬼"嘅idea，加入油條，頗特別。魚用嘅竟然係脆肉鯇，都係第一次食魚腩煲吃到如此食料。吃完之後總覺得，脆肉鯇還是比較適合用來打邊爐多一點。始終，其爽脆的texture令其比較難入味，獻汁頗難"索"入魚肉入面，吃落有少許"汁還汁、肉還肉"的感覺。油條、葱段絕對比魚肉好吃...金銀蛋莧菜件頭不大，始終跟外面排檔那種份量不能比較。食味普通，皮蛋粒及鹹蛋黃不夠多，點都係差少少....食客寥寥無幾，差不多兩口子包了全場。service自然是比從前好了。記得剛開張時那種墟陷情況，不復再....人，始終都是貪新鮮的....

早午晚同火鍋我都食過…早餐: 都係個d...d粉麵可以自己配答~ 無死既...午餐: 我成日都想食抄丁個d~ 但係成$45! 好唔抵~ 所以未叫過...試過$30個d午餐~ 個日係蒸排骨飯~ 食左一舊已經唔想再食!!! 淡而無味! 油就大把! 仲有個枝竹肉片唔知咩菇飯~ 個賣相肉酸到我都唔識形容! 有次叫左個麵..朋友已經差唔多食完我個個都未到!! 叫佢追下先話完來賣晒...我發誓以後都唔會黎食lunch!晚餐: 味道都可以既...個美國桶蠔都幾肥~ 仲有個怪味雞都幾好味~d汁有d泰菜feel~ 可以試下!火鍋: 可以自己撈個醬~~加黑椒都好好味架~ 仲有肥牛送tim~ 上一次仲送鮑魚仔~ 好新鮮! 黎到仲郁架! 有時仲有波睇 ~ good!!Service: 有d好好~ 有d好差!!!!!!! 見仁見智啦..

翔龍灣多地產舖，食肆就只得兩間。想人容易記得，店名叫「有您有我」是有理由，不過午市套餐冠以「想您見您」則覺有點做作。先來的合掌瓜豬骨湯，肯定沒有味精，實在淡得過分！喝兩口就算。蝦米肉崧菜脯炒飯似是即叫即炒，相當熱而且幾香，用料亦不少。味道其實不錯，可惜飯太乾硬，吃了半碟已漸覺難頂，最後食剩四分一！唯有杯奶茶最正常。

期待已久，卒之隆重登場...由見到門口貼出嚟嘅通告，一直到裝修開幕，不斷地等，不斷响太座耳邊講: "希望快D開la"...今日卒之等到佢哋開嘞...急不及待，夜晚馬上就去食dinner...太座間唔中都會去北角總店跟同事食lunch，事先預告咗佢哋係一間比較貴但水準還可以嘅茶記。北角始終唔係日日會去，依家實在方便得多...新開張，手忙腳亂嘅情況一定少不免，但負責人不斷say sorry，食完後又會問下出品嘅質素，已算做唔話得...小菜套餐九十八大洋，有羹有兩餸，再加兩碗靚仔同埋嘢飲，唔算做太貴la。當然比起隔籬偉恆昌、美景街嘅茶記係高消費多D la..始終地點及舖租有別ge...小菜set有十多款選擇，叫咗冰梅骨及沙茶醬花枝西蘭花。冰梅骨新鮮熱辣煑起，用嘅係一字排，肉不算太韌，味道甜甜酸酸，有點像生炒骨及京都骨嘅混合體，送飯最佳之選；西蘭花太大棵，食得唔太方便，可以摘細少少當然好得多；沙茶醬下得不夠；花枝片大大片而且唔韌，可以....見隔籬枱叫嘅炒公仔麵及福建炒飯大大碟，食到要打包ge，好吸引...翌日再跟太座落去食早餐。選擇亦頗多，但水準卻不夠晚飯時候好---- 麵淥得太淰，蛋煎得太