影片
更多
2018-01-28
2118 浏览
假日中午嚟到旺角搵食，真係間間都好旺場，如果無人食，就真係要諗諗！見呢度坐滿晒人，食客多，唔想食茶記，有泰國菜食，就入嚟試下。地舖舖租咁貴，一定係要坐得逼啲架喇，都會體諒。午餐價錢真係好平，$48一個餐連飲品，特飲都只係加5蚊，抵飲。仲要全日免加一！全日餐最貴都係$58，食個快飯都唔錯。E餐泰式炒金邊粉$48 - 都幾大碟，材料足，芽菜、雞蛋、豆腐乾、蟹柳、蠔仔、魷魚，再有青檸同花生碎調味，味道都唔錯，但就冇蝦，同埋芽菜有少少生，我覺得芽菜太生會有青澀味，煮熟啲會好啲。椰汁三色冰（加$5） - 落左好多椰漿，超過半杯都係紅、黃粉粒同綠色粉條，顏色鮮艷有咬口。椰青$35 - 椰青水清甜而且係多到滿瀉。泰式明爐烏頭魚$158 - 好耐冇食喇，成日都係燒烏頭或凍烏頭，我覺得滾住食仲好食啦！附有泰色醬汁可以「點」嚟食。魚肉都幾多不過稍為唔夠嫩滑。另外仲有碗湯可以加落個鍋度等佢唔好煮乾，可惜有太多肥豬肉碎，隔走佢會健康啲。如果食茶記食得悶，想轉吓口味食泰菜，呢度絕對茶記以外嘅好選擇！
午餐價錢真係好平，$48一個餐連飲品，特飲都只係加5蚊，抵飲。仲要全日免加一！
全日餐最貴都係$58，食個快飯都唔錯。
E餐泰式炒金邊粉$48 - 都幾大碟，材料足，芽菜、雞蛋、豆腐乾、蟹柳、蠔仔、魷魚，再有青檸同花生碎調味，味道都唔錯，但就冇蝦，同埋芽菜有少少生，我覺得芽菜太生會有青澀味，煮熟啲會好啲。
椰汁三色冰（加$5） - 落左好多椰漿，超過半杯都係紅、黃粉粒同綠色粉條，顏色鮮艷有咬口。
椰青$35 - 椰青水清甜而且係多到滿瀉。
泰式明爐烏頭魚$158 - 好耐冇食喇，成日都係燒烏頭或凍烏頭，我覺得滾住食仲好食啦！附有泰色醬汁可以「點」嚟食。魚肉都幾多不過稍為唔夠嫩滑。
另外仲有碗湯可以加落個鍋度等佢唔好煮乾，可惜有太多肥豬肉碎，隔走佢會健康啲。
如果食茶記食得悶，想轉吓口味食泰菜，呢度絕對茶記以外嘅好選擇！
张贴
