龍門冰室 (已結業)

今日同屋企人係黃埔行完街，就諗住求其揾間茶記食下。估唔到嘅係呢間餐廳嘅佈置係以英雄聯盟為主，對準爸爸嘅口味！因為唔算好肚餓，就叫咗一個常餐A，奶油多士荷包蛋，配鮑片火腿通粉，食多士就一定要烘底，食落有少少微脆，荷包蛋煎到啱啱好，一拮落去啲蛋漿就慢慢流出泥！通粉嘅份量多，夠抵食。蜜糖雞翼，燒雞翼~我鍾意食~歌仔都有得唱啦，雞翼嘅蜜糖味好重，偏甜，但一啲都冇煎𤓓，而用泥伴碟嘅沙律菜仲可以用泥吸下油。韓式炸雞，呢度嘅炸雞同我想像中有少少唔同，有別於其他炸雞店，呢度嘅炸雞唔係用炸粉包雞塊一齊炸，而係直接用油炸香，食落就冇咁熱氣；另外，炸雞同雞翼味道好相似，都係加咗蜜糖，炸雞都算嫩，唔會好重雪藏味。油菜，生菜，幾時都話均衡飲食最重要，所以每次出街食飯，都會盡量叫多碟菜，雖然係白灼生菜，但加埋特製嘅蠔油醬汁，食落就冇咁單調，又健康。