影片
更多
2022-01-27
52 浏览
餐廳：Time Park Lounge (尖沙咀)地址：尖沙咀棉登徑13-15號棉登大廈地庫香港人一齊撐起香港🇭🇰！呢間喺尖沙咀棉登徑開咗三年有多嘅古色英倫風餐館Time Park Lounge @timepark_tst 🇬🇧，雖然門面唔算光鮮，但入面就充滿住重重嘅驚喜🎊，如果錯過咗就係你嘅損失😎，一於等我帶你一層一層咁揭開餐廳嘅神秘面紗啦👻行落樓梯，首先映入眼簾嘅喺牆上英國火車站嘅塗鴉🚉，仲有Beer Pong同一個放咗唔少live band樂器 嘅corner🥁。原來其中一個老世喺社工，主要輔導對象喺年青人，希望提供一個夠玩味嘅地方比年青人喺到hea同聚會，唔洗成日流連街頭，趁機喺到同佢哋玩樂輕鬆一番經過調酒嘅bar corner就去咗另一個空間，仿佛進入咗另一個世界，其中一個做室內設計嘅老世以「逃出夢幻記」做靈感來源，希望打造一個室內森林嘅感覺🌴，比人可以喺到抽離一吓現實生活，有棵巨樹由地下連至天花板，仲有唔少乾花同各式各樣木系、動物/家居有關嘅擺設，環境相對比較relaxing🥰，啱晒傾偈依家疫情底下，餐廳推出$58抗疫午餐優惠，堂食外賣都喺$58，買兩個set仲送蒜蓉包，而
地址：尖沙咀棉登徑13-15號棉登大廈地庫
香港人一齊撐起香港🇭🇰！
呢間喺尖沙咀棉登徑開咗三年有多嘅古色英倫風餐館Time Park Lounge @timepark_tst 🇬🇧，雖然門面唔算光鮮，但入面就充滿住重重嘅驚喜🎊，如果錯過咗就係你嘅損失😎，一於等我帶你一層一層咁揭開餐廳嘅神秘面紗啦👻
行落樓梯，首先映入眼簾嘅喺牆上英國火車站嘅塗鴉🚉，仲有Beer Pong同一個放咗唔少live band樂器 嘅corner🥁。原來其中一個老世喺社工，主要輔導對象喺年青人，希望提供一個夠玩味嘅地方比年青人喺到hea同聚會，唔洗成日流連街頭，趁機喺到同佢哋玩樂輕鬆一番
經過調酒嘅bar corner就去咗另一個空間，仿佛進入咗另一個世界，其中一個做室內設計嘅老世以「逃出夢幻記」做靈感來源，希望打造一個室內森林嘅感覺🌴，比人可以喺到抽離一吓現實生活，有棵巨樹由地下連至天花板，仲有唔少乾花同各式各樣木系、動物/家居有關嘅擺設，環境相對比較relaxing🥰，啱晒傾偈
依家疫情底下，餐廳推出$58抗疫午餐優惠，堂食外賣都喺$58，買兩個set仲送蒜蓉包，而佢哋每個月會轉一次Menu，希望附近嘅街坊同打工仔都可以喺到食到平靚正嘅食物😌；堂食叫任何小食都有9折優惠，所有酒款仲喺以Happy Hour價錢去計，叫生啤/啤酒仲比原價比多$10-$20🍺，House wine仲做緊買一送一，如果喺酒鬼嘅你當然唔好錯過$298任飲6款紅白酒3個鐘嘅優惠啦🍷
✝️Timepark炸魚薯條 $98
呢度炸魚與別不同嘅位緊喺原條炸魚上啦🤤，用咗鱈魚去脆炸🐟，炸皮薄脆而唔油膩，完全唔會有一口粉嘅感覺，
切開見到豐厚嘅鱈魚肉，絕無偷工減料👍，魚肉唔會腥，有陣陣鱈魚香而且肉質嫩滑唔dry，蘸埋他他醬就更好食😋；
薯條兩邊脆而中間軟腍，幼薯條較易入口，灑上少少七味粉惹味得嚟唔會好鹹，畢竟有啲餐廳整到啲薯條勁鹹就喺想人叫多啲嘢飲🙄，另外配埋黑松露醬同茄汁，唔知你又鍾意點食啲薯條呢🤪？
是日餐湯(+$15)喺自家製忌廉椰菜湯，先壓爛啲椰菜整成蓉，加入忌廉同其他調味，每啖都食到椰菜蓉，一啲都唔覺得好水好稀🫕；另外叫咗田園沙律(+$15)同是日甜品(+$12)，沙律尚算新鮮🥗，加咗黑醋去調味，不過份量唔多感覺唔抵食；
甜品喺朱古力蛋糕，面頭有一層加咗可可粉同糖霜嘅朱古力coating🍫，中間有好似brownie質感嘅蛋糕層同朱古力碎，朱古力味勁香濃，我幾鍾意😍
✝️Romantic $128 (Happy Hour)
叫咗杯Cocktail嚟飲，喺用自家製烏龍茶Gin做base嘅酒，
另外加入接骨木花、蜜糖同梳打水🍹，飲落清甜有陣陣茶香，易入口而唔會好濃酒味，
冰塊仲好特別喺玫瑰花形狀嘅🧊，男女都一樣咁啱飲👫
不得不提嘅喺，早排ViuTV嘅人氣劇《大叔的愛》都曾經喺到取景拍攝🎬，想一睹呢到嘅氣氛、試吓佢哋嘅cocktails同美食、搵個relaxing嘅空間休息吓，Time Park Lounge絕對喺個唔錯嘅選擇💛
张贴
