滔滔甜品

营业中

休息中

好耐冇入黎元朗喇 !! 今晚同朋友傾完野搵地方 hea 多陣，朋友帶左我黎呢間甜品，朋友話呢間都好好食架!!介紹俾我地九龍人試下 !! 我地每人叫左一碗黎 SHARE !!寄生蓮子蛋茶，呢個我冇試到，但朋友話好正 !!石磨核桃糊湯丸，核桃應該有炒過先磨，勁香 !! 個湯丸係我最愛既芝麻餡，勁開心，我搶左黎食 !! 食落唔覺得佢有加結到 ~~ 你知啦 !! 出面既甜品好多都係合成 !! 呢道睇得出係誠意之作 ~~ 味道唔會好甜 !! 我呢 D 又要食甜品又唔要好甜既岩哂 !!木瓜雪耳燉桃膠 + 清心丸，朋友話呢道既清心丸係自家制架 !! 好爽口 ~~ 好耐冇食過喇 !! 個木瓜好甜呀 ~ 雪耳都係仲好爽口 !! 個桃膠加埋落去 ~~ 成件事好潤既感覺 !! 岩哂依家咁乾燥既天氣食 ~~ 仲要成碗都係料 !! 好抵食呀 ~~~石磨芝麻糊，呢碗我好似俾佢地每一試一匙之後，我成碗食哂 !! 唔係唔好食呀 ~~ 係我唔捨得分俾佢地 !!! 呢碗野會唔會太好食呀 !!!