螢壽司 (已結業)

好多係九龍嘅餐廳已經試過，所以決定今晚去港島區搵食～呢間日式餐廳係商業中心入面，地方話大唔大，話細唔細首先上枱嘅係鹽燒厚切牛舌同豚肉露筍，以串燒嘅價錢黎講，都唔算平。鹽燒厚切牛舌嘅味道幾好，表面灑上鹽再燒烤，我覺得鹹味啱啱好，不過朋友就覺得鹹咗少少，而且燒完之後，更加滋味，口感仲幾嫩滑添。相反豚肉露筍就較為簡單，用一塊薄薄嘅豬肉包住露筍，無咩太大嘅驚喜。另外串燒仲叫咗呢個鹽燒花竹蝦，原本以為係好平凡嘅味道，估到係有啲特式，花竹蝦中間已經去咗殼，上面睇落好似殼嘅係雞皮黎，燒過嘅雞皮脆脆嘅，而且仲有淡淡嘅雞油，配搭埋爽滑嘅蝦肉，味道超級好跟住上黎嘅係特上壽司拼盤，包括有吞拿魚、三文魚腩、油甘魚、深海池魚、魷魚、赤貝、三文魚籽、牡丹蝦、海膽、蔥拖羅魚茸同鐵火卷。由於同朋友分享嘅關係，所以無樣樣都試到，其中我覺得三文魚腩壽司嘅質感幾嫩滑，略厭啲醋飯比較易散開。如果無食到蝦頭嘅話，可以加10蚊比餐廳拎去熬湯添～終於到咗今晚嘅主菜喇－蒲燒鰻魚朴葉飯，用木盒上嘅鰻魚飯，非常有霸氣，一打開蓋，啲蒸氣就即刻湧出黎，而且仲可以聞到微微嘅葉香味，掀開塊葉，就可以見到條鰻魚，仲一啲都唔細條，相比起一般餐廳嘅鰻